Телетапшырулар алып баручы, сәхнәдә Аида тәхәллүсе белән җырлаучы Эльвира Фазлыева социаль челтәрдә язылучылары белән кабат хушлаша, ул вакытлыча китеп торырга уйлаган. Ул вакыт-вакыт шулай тәнәфес ала.
«Дуслар, мин кабат социаль челтәрләрдән тәнәфес алам. Кайвакыт якын-тирәдәге тавыш үз хисләрең һәм фикерләреңә караганда көчлерәк яңгырый. Үземне ишетү һәм эчке балансны саклау өчен миңа вакыт кирәк.
Миннән еш кына Телеграм-канал турында сорыйлар, аны булдырырга җыенмыйм. Минем ресурс һәм булырга теләгән урында каласым килә. Мин энергиям һәм бүлешерлек шатлыгым барлыкка килгәч кайтырмын. Мине югалтмагыз», – дип яза ул, матур фотосы белән бүлешеп.
Язылучылар аңа уңышлар теләгән һәм сагыначаклары турында язганнар.
«Син – матурлыкның һәм зәвыкның үзе, Эльвира», – дип комментарий калдырган шагыйрә Ләйлә Дәүләтова.