Рассольник (рецепт)

Казанда яшәүче Илсия Минаевадан рассольник рецептын тәкъдим итәбез. Аш пешерергә һәм кабымлык буларак кулланырга мөмкин.
Рассольник өчен: 3 кг кыяр, 3 кг помидор, 700 грамм суган, 500 грамм кишер, 300-400 грамм перловка (бераз пешереп алырга), 350 грамм үсемлек мае, 4 аш кашыгы тоз, түгәрәк борыч, лавр яфрагы, 3-4 аш кашыгы томат пастасы.
Барысын бергә салып 30 минут кайнатырга, 1 аш кашыгы 70 процентлы аш серкәсе салырга, банкаларга тутырырга, җылы итеп төреп суытырга.
0,7 литрлы 11 банка чыга.