Маринадланган тутырылган борыч рецепты

Кышка әзерләү өчен кәбестә белән кишер тутырылган татлы борычларны маринадлау рецептын тәкъдим итәм. 
Маринад: 1 литр су, 2 стакан шикәр комы, 1 стакан үсемлек мае, 1 стакан аш серкәсе, 1 аш кашыгы өеп тоз. Маринадны кайнатып чыгарырга.

Татлы борычны чистартырга, кайнар су салып ике сәгать тотарга.

Кәбестәне вак итеп турарга, кишерне угычтан уарга.

Банка төбенә 2 тырнак сарымсак, кара түгәрәк борыч, лавр яфрагы салырга.

Борыч эченә кәбестә белән кишерне һәм шул борычларны банкаларга тутырырга да, тозлык салырга. 

Аннары банкаларны 40 минут "су мунчасы"нда  стерилизацияләргә кирәк.