Сөләйман балыгыннан җиңелчә генә уха

Сөләйман балыгыннан җиңелчә генә уха
1 кило чамасы сөләйман балыгы (лосось), 3-4 баш ак суган, 1 кишер, 4 бәрәңге, 4 литр су алырга кирәк.


Балыкны чистартып, зур кисәкләр итеп турарга һәм кайнап чыккан суга салырга. Суга тәменчә тоз өстәргә. Борыч, дәфнә (лавр) яфрагы салып җибәрергә. Балык ите сүрән утта 30-40 минут эчендә пешеп чыга. Пешкән балык кисәкләрен аерым тәлинкәгә алып куярга.

Шулпаны вак иләктән сөзәргә. Балык сөякләрен алып ташларга. Чиста шулпага ярымбоҗралап туралган суган, саламлап туралган кишер һәм бәрәңге салырга. Тозын тәмләп карарга. Яшелчәләр  сүрән утта 20 минут чамасы пешә. 

Балыкны кисәкләргә бүлеп тирән эчле тәлинкәгә салырга һәм шулпа өстәргә. Яшел тәмләткечләр сибәргә. Каймак, лимон согы салып ашарга була.