Гөлсирин Абдуллинадан штрудель рецепты

Җырчы Гөлсирин Абдуллина үз сәхифәсенә штрудель рецептын язган.
Штрудель өчен: кибеттән алынган чүпрәсез катлы камыр, ике алма, 1 бал кашыгы шикәр комы, дарчин (корица).

Камырны бераз җәяргә. Алманы әрчеп, вак итеп турарга, шикәр комы, кашык очына гына корица салып, пешереп алырга.

Шул эчлекне камырга салып рулет кебек бөтереп духовкага куярга. Штрудель 15-20 минуттан әзер була.

Табынга биргәндә штрудель янына туңдырма салырга була.