Татар кинорежиссеры Илшат Рәхимбай ни өчен Европада бала караучы булып эшләгән?

12 январь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Рузилә МӨХӘММӘТОВА
Фото: Рамил Гали, Салават Камалетдинов, Александр Эшкинин Һәм Илшат Рәхимбайның үз архивыннан
Илшат Рәхимбай өч ай Татарстаннан югалып торуының сәбәбен аңлатты. Ул өч ай дәвамында Европада бала караган. Үз баласын.


Татар кинорежиссеры Илшат Рәхимбай Казан халыкара мөселман кинофестивалендә катнашып, “Күзалла” (“Представь”) кыска метражлы фильмы өчен Татарстан Президентының махсус призын кабул итеп алганнан соң өч ай чамасы Казаннан югалып торды. Ә социаль челтәрендәге яңалыклар тасмаларында Илшат Рәхимбайның Европа киңлекләрендә төшерелгән фотолары пәйда була башлады. Берлин музейлары дисеңме, Европада татар фильмнары премьерасы дисеңме, Лейпцигта - Европаның иң зур китапханәләренең берсе - Альбертинада татарча диктант яздыру дисеңме... “Диктантны мин яздырам) өтерләр вакытында сул күземне дерелдәтермен, курыкмагыз, килегез) аннары кафега җырларга һәм аралашырга, әлбәттә”, - дип чакырган иде Илшат Рәхимбай Европа татарларын.


Инде менә Илшат белән Казан үзәгендәге ресторанда очраштык - ул да, минем кебек үк, Мубай концертына килгән иде. Үзе белән Лейпцигта яшәүче дусларын да алып килгән иде. Әлеге концертка керергә теләүчеләр арасында зур ажиотаж булуга карамастан, Илшат ресторанның иң урта бер җирендә зур өстәл броньларга да җитешкән иде.

Концерт башланыр алдыннан Илшат Рәхимбай Европа сәяхәтенең серләрен ачты. “Барысы да бик гади: хатыным Язгөл Лейпциг университетына укырга барды, ә мин – бала карарга”, - диде ул.


- Әмма барган көнне үк Лейпциг татарлары белән элемтәгә кереп, Гөлназ Вәлиева һәм Данис Алиәскаровлар гаиләсе белән аралашып киттек. Минем фильмнар һәи клипларны күрсәтү идеясен дә алар тәкъдим итте. Европа татарларын җыеп, бик матур кичә оештырдык. Ул кичәгә Мюнхеннан, Прагадан һәм башка Европа шәһәрләреннән татарлар җыелды. Бик милли җанлы матур татарлар яши анда. Кызыклы элемтәләр барлыкка килде, - дип сөйләде Илшат.

Европада киноларын күрсәткәннән соң канатланып китепме, Илшат Европадан яңа фильмга сценарий язып кайткан. “Соңгы ике айда үземнең беренче тулы метрлы фильмыма әзерлек эшләре алып бардым. Бу – Галимҗан Ибраһимовның “Алмачуар”ы”, - дип серләрен ачты ул.

Татарстанда татар кинорежиссерының динара мөнәсәбәтләр турындагы “Күзалла” (“Представь) фильмы шактый уңышлы тәкъдим ителгәч, Илшат Рәхимбай бу фильмның тулы метражлы версиясе булачагын да вәгъдә итте. Күрәсең, динара мөнәсәбәтләргә багышланган тулы метражлы фильм үз чиратын көтәдер. 



Ул арада фильмның кыска метражлысы дөнья буйлап үз призларын җыя тора. Европада Илшат “Представь” фильмы белән Италиягә барып кайткан. “Анда 20 ел дәвамында “Бүгенге дин” исемле халыкара фестиваль оештырыла. Анда киноматография дөньясында зур роль уйнаган кызыклы шәхесләр белән аралаштык. “Кинофильмга иң яхшы музыка” номинациясендә Эльмир Низамов фестиваль лауреаты булды”, - дип шатлыгын уртаклашты режиссер. Фильмның тагын ике җиңүе – Һиндстанда һәи Индонезиядә. Анда үзе барып җитә алмаган. Һиндстанда “Күзалла” фильмының “Иң яхшы фильм” буларак танылуы турында хәбәр генә килеп ирешкән.

Илшат Рәхимбайның Европа эпопеясенең беренче сериясе шунда тәмамлана. “Дәвамы булачак...”, - ди кинорежиссер.





Фикерләр








Мәдәният

"Кем дә булса бу кызлык пәрдәсен өзәргә тиеш иде". Түбән Кама театры "Әлдермештән Әлмәндәр"не куйды

Түбән Кама татар дәүләт драма театры кыю адым ясады: Әлмәндәр карт ролен башкарган Шәүкәт Биктимеров киткәннән соң кагылгысыз булып тоелган «Әлдермештән Әлмәндәр» спектаклен сәхнәләштерде. Спектакльнең беренче тамашачылары арасында безнең хәбәрчеләребез дә бар иде.  

Мәдәният

Кариев театры бәхәскә батты: Нурбәк Батулла барабаны һәм Гүзәл Сәгыйтова сандыгында кем нәрсә күргән?

Кичә Г.Кариев исемендәге татар дәүләт яшь тамашачы театры яңа сезонын "Алтын битлек" милли театр премиясе лауреаты Нурбәк Батулланың перформансы белән ачып җибәрде. Әмма бу перфоманс татар җәмәгатьчелеге вәкилләре арасында шау-шу куптарды: кайберәүләр аны милләтнең символларын бетерү фалы дип бәяләделәр. "Татар-информ" мәгълүмат агентлыгы тамашачыларның фикерләрен туплап, перфомансның чын идеясен ачыкларга тырышты.

Мәдәният

“Зөләйха күзләрен ача”: Мортаза ролен башкарачак актер белән Мортаза образы арасында уртаклык бар

“Зөләйха күзләрен ача” сериалында Мортаза нинди булачак? Татар ир-аты Мортаза Мәскәү күзлегеннән нинди булып тасвирланачак? Әлегә бу билгесез. Хәбәрчебез Мортаза ролен башкарачак актер Рамил Сабитов белән аралашып, Мортаза образын күзалларга тырышты.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла