Балерина Саша Мөхәммәдова: Әтием миңа һәрвакыт "Онытма, син татар кызы", дип әйтеп тора иде

30 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Айдар ӘХМӘДИЕВ
Фото: Айдар Әхмәдиев. Саша Мөхәммәдова - сул яктан алтынчы
27 майда Муса Җәлил исемендәге Татар академия дәүләт опера һәм балет театрында Нидерланд милли балет прима-балеринасы Саша Мөхәммәдова беренче тапкыр чыгыш ясады. Сәхнәдә ул Людвиг Минкусның "Дон Кихот" балетында Китри ролен башкарды. Саша - тумышы белән Лондон шәһәреннән. Аның әтисе, элекке Большой театры йолдызы һәм Бөек Британия король балеты премьеры Ирек Мөхәммәдов - татар кешесе. Спектакльдән соң "Интертат" газетасы Саша белән очрашып, кыска әңгәмә корды.
- Саша, Казан сәхнәсендә дебютыгыз белән котлыйм! Бу сезнең әтиегезнең туган җиренә икенче тапкыр килүегез. Нинди хисләр калдырды Казан?

- Дөресен әйткәндә, Казанга беренче тапкыр килүем исемдә яхшы калмады. Миңа ул вакытта нибары җиде генә яшь иде. Әмма бу юлы үземне искиткеч хис итем. Бу әтиемнең туган җире бит. Монда гаиләм барлыгын сизәм. Казанда минем туганнарым да яши бит әле: әтинең абыйсы балалары белән.

- Сез рус һәм татар кешеләре гаиләсеннән. Сезнең өчен татар халкы белән бәйле булуыгыз мөһим идеме?

- Минемчә, һәрбер кеше өчен бу мөһимдер: каян килдек без, тамырларыбыз кайда ята. Әтием дә миңа һәрвакыт "Онытма, син татар кызы" дип әйтеп тора иде.

- Гаиләгездә кайсы телдә аралашасыз?

- Монысы иң кызыгы. Әти-әниләрем миңа рус телендә дәшәләр. Минем әле энем бар. Без аның белән аларга инглиз телендә җавап кайтарабыз. Урамда кайвакыт кешеләр безгә аптырап карап узалар.

- Татар телен беләсезме? Бәлки, кайбер сүзләр, фразалар исегездә калгандыр?

- Кызганычка каршы, исемдә калмады. Кайчандыр миңа ярату сүзен өйрәткәннәр иде. Әмма мин онытып бетердем. Бәлки, сез миңа булыша алырсыз?

- Мин яратам сине.

- Мин яратам?

- Сине.

- Сине. (Көлә).

- Сезнең, мөгаен, "Шүрәле" балеты турында ишеткәнегез бардыр.

- Әйе, ишеткәнем бар.

- Әгәр киләчәктә шушы балетта баш рольне башкарырга мөмкинлек туса, алыныр идегезме?

- Әйе, әлбәттә! Нишләп катнашмаска? Мин рәхәтләнеп Казанга яңадан бер әйләнеп кайтып килер идем. Бөркен андый мөмкинчелек килеп чыгар дип өметләнәм. Һәм бу юлы сәхнәдә абынмам дип ышанам. (Көлә).

  Без Инстаграмда

Фикерләр








Мәдәният

Хәбир Ибраһим: «Проза язу рәхәт: яраткан хатын-кыз белән түшәктә яту кебек...»

Язучы, шигыйрь һәм драматург Хәбир Ибраһим үзе җитәкләгән ТАИС; үзе язган драматургия, шигърия һәм проза; театрлардагы яңа формалар һәм суррогат; Зифа Кадыйрова белән Гүзәл Яхина феномены турында сөйләде.

Мәдәният

Мөдәррис нигә искәрмәле, яки 200 мең сумлык Державин премиясе ни өчен Галигә түгел, Вәлигә бирелгән?

Традиция буларак рус телле язучыларга бирелә торган Г.Р.Державин исемендәге республика премиясе быел Чыңгыз Айтматов әсәрен татар теленә тәрҗемә иткәне өчен язучы Мөдәррис Вәлиевкә тапшырылды. Һәрвакыттагыча, бәйгедән канәгатьсезләр дә калды. «Татар-информ» хәбәрчесе премиягә бәйле вазгыятьне һәм премиянең нигезләмәләрен өйрәнде.

Мәдәният

Зифа Кадыйрованың "Сагынырсың, мин булмам" әсәре буенча кино төшерелә: Сөмбел, Булат һәм Байрасны нинди үзгәрешләр көтә?

Мамадыш районында Зифа Кадыйрова китабы буенча «Сөмбел» фильмы төшерелә башлады. «Татар-информ» хәбәрчеләре фильмның беренче кадрларының шаһитлары булдылар, төп геройлар белән аралаштылар, хәтта сабантуй күренешендә массовкада да катнаштылар.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла