“Татарстанның чуаш гүзәле - 2018” Карина Токтамышева: "Туганнарымның йөзләрен кызартырга тиеш түгел идем"

11 март 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Ләйлә ХӘКИМОВА
Фото: Рамил Гали
Татарстан халыклары дуслыгы йортында IХ нчы мәртәбә  "Татарстанның чуаш гүзәле - 2018" ("Тутарстан Чаваш пики - 2018") республикакүләм матурлык һәм талант бәйгесенең финалы узды. 13 катнашучы арасыннан җиңүче исеменә Әлмәт кызы Карина Токтамышева лаек булды. 

Бәйрәмгә килүчеләр башта тере коридордан узды: милли киемнәргә киенгән артистлар, тезелеп, һәркемне ипи-тоз, җыр-биюләр белән каршы алды. Кунаклар өчен чуашларның гореф-гадәте буларак сакланган экспонатлары күргәзмәсе дә эшли иде, анда игенчеләрнең эш кораллары, элеккеге авыл йорты күренешләре, киемнәре, бизәнү әйберләрен күреп булды.


"Татарстанның чуаш гүзәле" конкурсының төп максаты – яшьләр арасында халык гореф-гадәтләрне, тел һәм мәдәниятны тарату. Бәйгене Татарстан халыклары ассамблеясы, Татарстан халыклары дуслыгы йорты һәм "Татарстанның чуваш милли-мәдәни автономиясе" оештырды. Конкурста Татарстан Республикасының район турларында җиңү яулаган 13 кыз катнашты.



"Мондый конкурсларның булуы бик әйбәт! "Тутарстан Чаваш пики" бәйгесе милли үзенчәлекләрне, гореф-гадәтләрне, йолаларны берләштерүче бәйрәм буларак истә калды. Ул киләчәктә дә шушы үзенчәлеген сакласын. Чибәр, тырыш, укымышлы кызлар тагында күбрәк булсын", - диде үзенең чыгышында Татарстан халыклары ассамблеясенең башкарма комитеты җитәкчесе Николай Владимиров.



Кызлар матурлыкта һәм талантта көч сынашты - барысы да бииләр, җырлыйлар, нәфис сүз осталары. Бөтенесе чиста-матур итеп чуаш телендә сөйләшә.



Николай Владимиров фикеренчә, бәйгедә катнашучылар санын арттырырга кирәк. "Татарстанда чуашлар милләт саны буенча өченче урында. Республикада 116 мең кеше исәпләнә. Икенче елга "Тутарстан Чаваш пики" конкурсы 10 нчы тапкыр уза. Катнашучыларның саны 20 дән артык булырга тиеш", - диде ул.



Конкурсның программасында катнашучылар 6 номинация буенча чыгыш ясады. Видео открытка – визитка (үзең белән таныштыру), милли ризыкны тәкъдим итү, иҗади чыгыш (үз талантыңны күрсәтү: җыр, бию, актерлык осталыгы һ.б.), блиц (интеллектуаль конкурс), милли киемнән дефилега чыгу, әниләргә бәйрәм уңаеннан бүләк ясау.



Бәйгене оештыручыларның берсе Сильвия Чаркина сөйләвенчә, беренче чиратта, әлеге бәйге гүзәллек ярышы гына түгел, ә талантларны ачу чарасы да. "Безнең төп максат – милли мәдәниятне, чуваш милли киемен, гореф-гадәтләрне бүгенге буынга җиткерү", - диде ул.



Татарстан халыклары Ассамблеясы яшьләр берлеге җитәкчесе Тимур Кадыйров бәйге онытылганнар турында хәтерне торгызуга һәм яңартуга китерә, дип билгеләп узды. "Бәйрәмгә кечкенә кызымны алып килдем. Мин бүген аңа халкыбызның онытылып бара торган гореф-гадәтләре, йолалары, рухи хәзинәсе, тарихын күрсәтә алганыма куанам. Катнашучыларга милләтебезнең асылын чагылдырган чыгышлары өчен рәхмәт әйтәсе килә. Мондый бәйгеләр яшьләрне җәлеп итә һәм туган тел, мәдәниятны саклап калырга булыша", - ди ул.



Барлык сынауларны да уңышлы үтеп, "Татарстанның чуаш гүзәле - 2018"  титулына Карина Токтамышева ия булды. Ул Мәскәүдә "Чуваш гүзәле" Россия бәйгесендә республика данын яклаячак.



Бәйгедә  "Маттур пике - 2018" исемен Анна Тихонова яулады. 3 урынга "Сарпике - 2018" исеменә Регина Сислюкова лаек дип табылды.



"Татарстанның чуаш гүзәле - 2018"  титулына дәгъва итүче 13 кызга бәйгенең интернет-битендә тавыш бирү дә оештырылган һәм барлыгы 15 меңнән артык тавыш бирелгән иде. Иң күп тавыш җыеп "Халык мәхәббәте" титулына Зинаида Воронова ия булды. Аның өчен 2 мең кеше тавыш биргән.



– Минем өчен иң катлаулысы һәм дулкынландырганы - беренче тапкыр чыгу булды, – дип тәэсирләре белән уртаклашты 16 яшьлек җиңүче Карина Токтамышева. Якыннарымның минем өчен җан атып торулары бик нык ярдәм итте. Бер яктан, бу минем өчен зур җаваплылык иде, чөнки мин аларның йөзләрен кызартырга тиеш түгел идем. Һәр чыгыш өчен безгә куелган бәяләр һәм балларны хәбәр итмәделәр, шуңа күрә дә иң соңгы минутларга кадәр дулкынланып көттем, бүләкләү тантанасында җиңүемне ишеткәч ышана алмый тордым. Бу минем өчен көтелмәгән хәл булды. Кызлар барысы да җиңүгә лаек иде.



Ярты елдан соң, мәктәпне тәмамлагач, Карина Казан мәдәният институтына укырга керергә тели. Киләчәктә ул вокал яки хореография белән шөгыльләнергә планлаштыра.



Фикерләр








Мәдәният

“Зөләйха күзләрен ача”: Татар хатынының "пистолетлы дурак"тан кеше ясавы турында фильм

Кама ярының оҗмахтай бер урынына вакытлыча Мәскәү рөхсәте белән генә үтеп кереп була – Лаеш шәһәре янында “Россия 1” каналы “Зөләйха күзләрен ача” сериалын төшерә. “Русское” кинокомпаниясе “Татар-информ” хәбәрчеләренә берничә сәгать дәвамында кино төшерү төркеменә һәм артистларга комачаулап йөрергә рөхсәт иттеләр. 

Мәдәният

Журналист Алия Сабирова TAT CULT FӘST турында: “Җырмыни бу?” дан алып “Күбрәк булсын иде”гә кадәр

Нәрсә соң ул TAT CULT FӘST? Кем өчен иде ул? Ни өчен 30 августа узды? Ни өчен Кирмәндә үтте, форматы, эчтәлеге нигә шундый? Нигә ул татар халкына нәкъ менә хәзер кирәк иде? Киләчәге ни? Фестивальдә булганнан соң, шундыйрак әйберләр хакында уйланасы килде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла