Йомырка, май һәм бал - Петербургта ришвәтне ризыклата алган инспекторны эшеннән җибәрделәр

29 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: "Татар-информ"
Петербургта администрация инспекторы Сергей Бутинга хакимият органнарында эшләүне вакытлыча тыйдылар. Ул сәүдә нокталарыннан ришвәт алган. Түрә ришвәтне акчалата гына түгел, ә азык-төлек рәвешендә дә сораган. Аңа алты дистә йомырка, өч банка май һәм бер банка бал биргәннәр. Бу турыда шәһәр судларының берләштерелгән матбугат хезмәтенә сылтама белән РИА Новости хәбәр итте.

Суд ачыклаганча, Бутин 2015 елның маеннан 2018 елның июненә кадәр законлылык, тәртип саклау һәм куркынычсызлык буенча шәһәр комитеты составындагы административ хокук бозулар өлкәсендә законнар үтәлешен контрольдә тоту буенча идарәнең бер бүлегендә өлкән инспектор булып эшләгән, шуннан соң ведомствоның башка бүлегенә шундый ук вазифага эшкә күчкән.

Чебышев урамындагы законсыз сәүдә ноктасын ачыклаганнан соң, Бутин сатучыга ай саен 2 мең сум акча түләргә тәкъдим иткән. Шулай итеп ул 32 мең чамасы ришвәт алган. Бутин Рубанкин урамындагы башка сәүдә ноктасыннан да ришвәт алган. Бу ноктадан аңа азык-төлек биргәннәр.

"Җаваплылыкка тартмаган өчен ул сатучыдан төрле товарлар алып киткән. Ул бер сатучыдан 700 сумга бер банка бал, 100әр сумлык өч банка май, шул ук урамдагы башка сатучыдан барысы 600 сумга алты дистә йомырка алган", диелгән суд матбугат хезмәте хәбәрендә.
Бутинга карата "законсыз гамәлләре өчен вазифаи затның ришвәт алуы" һәм "вак ришвәтчелек" маддәләре буенча җинаять эше ачылган. Бутин үз гаебен өлешчә таныган, "бал алмадым", дип әйткән.

Суд карары буенча, Бутинга 650 мең сум штраф салганнар, аңа ике ел дәвамында дәүләт хезмәтендә, хокук саклау органнарында һәм җирле үзидәрә органнарында эшләү тыелган.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла