Уфада бала тапкан хатын-кызларны коридорда яткырганнар

26 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Уфада Башкорт дәүләт медицина университеты клиникасының бала тудыру йортында бала тапкан хатыннарны коридорда яткырып торганнар. Бу урыннар җитмәү белән бәйле, дип аңлаткан бала тудыру йорты җитәкчелеге. Моңа карамастан, медицина хезмәте сыйфатына бу йогынты ясамый, дип тә искәртелгән. Бу хәбәрне РИА Новости яза.

"Бала тапкан хатыннарны коридорда тоту - вакытлыча проблема, чөнки Башкортстан республика клиник хастаханәсенең бала тудыру йорты әлеге вакытта санитар чистартуга ябылган. Шуңа безгә юллана торган катлаулы пациенткалар саны кисәк артты. Әмма көн саен кемне дә булса чыгарып торабыз, урыннар бушауга пациенткалар коридордан палатага күчерелә", - дигән баш табиб вазыйфаларын вакытлыча башкаручы Ольга Ефремова.

Клиника җитәкчелеге бала тудыру йорты пациенткаларыннан гафу үтенә һәм аларның башка клиниканы сайлау хокукы булуын искәртә. "Коридорда яту медицина хезмәте сыйфатына йогынты ясамый. Сыйфатны тикшерү өчен, клиника персоналын күзәтеп торучы аудио һәм видеоҗиһазлар урнаштырылган", - дигәннәр клиникада.

Уфада бала тудыру йортына коридорда ятучы ханымнар булуын җәмәгатьчелеккә Уфада яшәүче Евгения Радченко хәбәр иткән иде. Ханымны "сохранение"гә яткырганнар һәм, палата урынына, коридорда урындыкка утырып торырга тәкъдим иткәннәр. Радченко хастаханәдән киткән, әмма төнлә хәле начарлангач, кире кайткан. Ул табибларның үзен тануларын, әмма аны бер сәгатьләп кабул итмәүләрен әйткән. Шуннан соң ханымның ире "кайнар линия"гә һәм баш табибның кабул итү бүлмәсенә шалтыраткан. Шуннан соң ханымны коридорга урнаштырганнар, әмма "коридорда ятасы турында кисәтелде" дигән расписка тоттырганнар. Шул документ фотосын Радченко үзенең Facebook аккаунтында күрсәтте. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла