Суд приставларына ишекне ватып керүне рөхсәт итмәкчеләр

Россиянең юстиция министрлыгы суд приставларына фатирлар һәм йортларның ишекләрен ватып керү хокукын бирергә тәкъдим итте. "Башкарма производство" турындагы законга төзәтмәләр норматив-хокукый актлар проектлары порталында урнаштырылган.

Әгәр документ кабул ителсә, законсыз перепланировкалар яисә тиешсез газ җиһазларын урнаштыруны тикшерүче приставлар, хуҗаның ишек ачканнын көтеп тормыйча, йорт ишеген ватып керә алачак.

Ишекләрне генә түгел, фатир эченә керергә комачаулаучы конструкцияләрне дә җимерергә мөмкин булачак.

Ишек вату кисәк кенә башкарылмаячак. Башта проблемалы фатир хуҗасына кисәтү ясалачак. Әгәр дә хуҗа приставларны үзе кертми икән, ун көн үтәгә, приставлар ишекне ватып керә алачак.

Ишекне җимереп кергән очракта дәүләт хезмәткәрләре милекне бозмаска тиеш булачак. Үзләре артыннан чит кешеләр кертү дә ярамаячак.