Себердәге урман янгыннарында гаеплеләрне атадылар: беренче җинаять эше кузгатылган

1 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Тикшерү комитеты Себердәге урман янгыннарына бәйле беренче җинаять эшен тикшерә башлады, дип хәбәр итә ТАСС.

"Ваемсызлык" маддәсе буенча җинаять эше кузгатылган. Красноярск крае урман хуҗалыгы һәм гадәттән тыш хәлләр һәм гражданнар оборонасы министрлыгында документларны тикшерәләр. Министрлыкларның түрәләре үз вазифаларын үтәмәүдә гаепләнә.

Тикшерүчеләр фаразынча, быелның 22 мартыннан 1 августына кадәр министрлык вәкилләре урман янгыннарын туктату өчен бернәрсә дә эшләмәгән.

Тикшерү комитеты җитәкчесе Александр Бастрыкин янгын сәбәпләрен ачыклар өчен төбәкләргә криминалистларны җибәргән иде. Алар урман янгыннары ничек сүндерелә икәнен тикшерергә тиеш. Беренче чиратта, Якутия, Бурятия, Красноярск крае, Иркутск өлкәсендә тикшерү эшләре бара. 

Россия МЧСының "Антистихия" үзәге җитәкчесе Сергей Абанин әйтүенчә, Себердә һәм Ерак Көнчыгышта урман янгыннарын сүндерү өчен чаралар күрелмәгән. 

Июль азагына Себердә һәм Ерак Көнчыгышта урман янган мәйданнар куркыныч масштаб алды. 1 августт 470 урман янгыны теркәлгән, гомуми янган мәйданнар 2,9 млн га. Красноярск краенда 1, Якутиядә 1,3, Иркутск өлкәсендә 700 мең гектар урманнар яна. 

31 июльдә Владимир Путин урман янгыннарын сүндерү өчен 10 хәрби самолет һәм 10 вертолет җибәрергә фәрман бирде. Алар Красноярск һәм Иркутск өлкәләрендә ясалма яңгыр чакырырга тиеш. 

Өлкәдәге җитәкчеләрнең янгыннарны сүндерүдә активлыгы аз булуда гаеплиләр. Мәсәлән, 23 июльдә Иркутск өлкәсендә янган 342 мең гектарның 98 мең гектарын гына сүндерәләр иде. Нәтиҗәдә, янган мәйданнар 700 мең гектарга җитте. Красноярск краенда 687 мең гектар яна иде, шуның 8 проценты тирәсен генә сүндерү белән шөгыльләнделәр, нәтиҗәдә янган мәйданнар 1 миллион гектарга кадәр җитте. 



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла