Россиядә банк карталарыннан СМС аша акча урлауның яңа ысулы барлыкка килгән

20 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Мошенниклар банк карталарыннан акча урлауның яңа ысулын үзләштергән, дип кисәтә "Известия". Хәзер алар куркынычсызлык хезмәтеннән шалтыраткан робот булып кылана икән.

Робот клиентка шалтырата һәм, төрле сораулар биреп, СМС аша килгән кодны белергә тели. "Тавышыгызны идентификациялибез" дип, кабатлаталар да икән. Мондый ысулны мошенниклар 2019 елның языннан бирле куллана.

Мошенниклар үзләрен эштә утыручы банк хезмәткәрләре итеп күрсәтү өчен фон итеп автоответчик, колл-үзәк тавышларын куллана, бу кешене ышанырга мәҗбүр итә, дип кисәтә белгечләр.

Август башында мошенниклар Мәскәүдә яшәүче берәүдән 3,5 миллион сум акча урлаганнар. Алар ир-атка банк номерыннан шалтыратканнар, үзләрен банк хезмәткәрләре дип таныштырганнар һәм "Хисабыгыздан акча алу омтылышы булды" дип алдап, ир-атка СМС белән дүрт пароль җибәргәннәр. Ир-ат бу парольләрне ялган хезмәткәрләргә җиткереп барган.

Бер мәлдә ир-ат шикләнә башлаган һәм бу хакта "банк хезмәткәрләренә" әйткән. Шуннан соң мошенниклар сөйләшүне роботка күчергәннәр, ир-ат тавыш сигналыннан соң кодны әйтергә тиеш булган. Шулай итеп ир-ат мошенникларга тагын берничә код әйткән. 

Шул рәвешле мошенниклар берничә транзакция белән ир-ат картасыннан миллионлаган акчалар урлаганнар. 

2018 елда мошенниклар Россиядә яшәүчеләрнең карталарыннан 1,4 миллиард сум урлый алган, бу 2017 ел белән чагыштырганда 1,5 тапкырга артык. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла