Ашлыкка бәяләр арта

10 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: "Татар-информ"
Татарстанның премьер-министры урынбасары - Авыл хуҗалыгы һәм азык-төлек министры Марат Әхмәтов ашлык бәясе былтырга караганда югарырак булыр дип фаразлады. 

Хөкүмәт йортындагы киңәшмәдә ул ашлыкның ничә сум буласын әйтмәде, әмма "хәтта 2018 елга караганда да кызыксындырырлыграк булыр", диде. 

Илнең элеваторларында 10 миллион тонна ашлык бар икән. Былтыр 20 миллион булган. Шул сәбәпле, былтыргы ашлык бәясе быелгы бәяләргә тәэсир итә алмый, ди ул. 

Ашлык кыйммәт булуның сәбәбе - корылык нәтиҗәсендә уңышның түбән булуы. 

Мәсәлән, Пензада гектарыннан 25,1 центнер җыеп алалар (былтырга караганда 4,4 ц/га азрак), Мордовия - 24,0 ц/га (минус 3,0 ц/га), Оренбург - 10,4 ц/га (минус 3,7 ц/га), Ульяновск - 21,0 ц/га (минус 3,5 ц/га), Саратов - 15,2 ц/га (минус 1,8 ц/га).

Бер атна эчендә ашлыкның бер тоннасына бәя арту күләме 200-700 сум булган. Башка елларда мондый хәл күзәтелмәгән. 3нче класслы бодайның тоннасы 10,5 мең сум, 5нче класслысы - 9,2 мең сум. 

Татарстанда 158 мең гектар - барлык мәйданнарның 11 проценты урып-җыелган. 518 мең тонна ашлык җыеп алынган. Уртача гектарыннан32,7 центнер чыга.

Иң зур уңыш Зәй (46,7 ц/га), Мамадыш (43,6 ц/га),Тукай (43,1 ц/га), Минзәлә (41,4 ц/га) районнарында. Иң түбән уңыш Әгерҗе (16,1 ц/га), Яшел Үзән (19,1 ц/га) районнарында.



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла