Зур йөк машинасы ике катлы бинага бәрелеп яна башлаган - видео

5 октябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: видеодан скриншот
Алтай өлкәсендә зур йөк машинасы җиңел машина белән бәрелешкән. Шуннан соң фура ике катлы торак йортка килеп кергән һәм яна башлаган. Юл һәлакәтендә ике кеше үлгән. Бу урыннан кадрларны "Вести" каналы күрсәтте. 


Авария 2 октябрьдә Тальмен районында була. Чуй трактының 152нче километрында йөк машинасы каршы як полосага чыга һәм зур тизлектә килеп җиңел машинаны бәрдерә. Шуннан соң йөк машинасы юлдан чыгып китә һәм ташландык автосервис бинасына килеп керә. Авариядән соң йөк машинасына ут каба. Бина да яна башлый. Янгын 150 квадрат метр мәйданда була, диелә бу хәбәрдә.

Toyota Raum җиңел машинасы салонында булган йөртүче һәм пассажир урында ук һәлак була. Аларның исән калу ихтималы бөтенләй булмый. Йөк машинасын йөртүче дә имгәнә, аны хастаханәгә озаталар.

"Фура йөртүчесе исән. Машинага ут капканчы аны кабинадан чыгардылар", - дигән шаһитлар "КП" сайтына.

Фура йөртүчесе сүзләренчә, иномарка каршы якка чыккан, башка шаһитлар да шул хакта сөйли.

Төбәк буенча Гадәттән тыш хәлләр министрлыгы хәбәр иткәнчә, авария вакытында бина эчендә кешеләр булмаган. Элек биредә кафе булган, хәзер ул буш тора.

"Фураның кабинасы җимерелгән. Урында ашыгыч ярдәм табиблары эшләде. Җиңел машина эчендәгеләр барысы да үлгән. Кафеның түбәсе янып бетте, йөк машинасының кузов кисәге генә калды", - дип сөйли Алексей исемле шаһит.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла