Зоопаркта селфи ясарга маташкан хатынны ана ягуар талаган

14 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Американың Аризона штатындагы зоопаркка килгән хатын-кызга ягуар һөҗүм иткән. Бу хатын кыргый җәнлек белән селфи ясамакчы булган. Ягуар һөҗүменнән соң хастаханәгә эләккән хатын-кыз хәзер гафу үтенә. Бу турыда CNN порталына сылтама белән «Лента.ру» сайты хәбәр итте.

Вакыйга 9 мартта була. Бер хатын койма аша кереп, хайваннар яши торган вольерга уза. Шунда фотога төшмәкче була. Ана ягуар бу хатынга ташлана, очлы тырнакларын хатынның кулына батыра. Зоопарктагы башка кешеләр вольерга буш шешә ыргытып, җәнлекнең игътибарын икенче якка юнәлтә. Шул вакытта алар имгәнгән хатынны тартып чыгара. 

Хатын авыртудан аның югалткан була. Урынга тиз арада табиблар килеп җитә. Аны хастаханәгә алып китәләр. Хәзерге вакытта бу хатынның тормышына куркыныч янамый.

Зоопарк вәкиле Кристи Моркум (Kristy Morcum) сүзләренчә, ягуар янына кергән хатын инде гафу үтенгән, үз гаебен таныган. «Ул үзен бик начар хис итүен, аның аркасында зоопарк турында начар фикер туганга гаепле булуын әйтә», — дигән зоопарк вәкиле.

Зоопаркның Твиттердагы рәсми аккаунтында хәбәр ителгәнчә, ягуарны үтермиләр. «Бу — кыргый хайван, читлек тирәли барьерлар куелган, алар кунакларның куркынычсызлыгы өчен эшләнә. Кемдер барьер аша кергән өчен, хайван гаепле түгел», диелгән бу хәбәрдә.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла