Зәйдә бер ир-ат үз анасын вәхшиләрчә үтергән

20 ноябрьдә Татарстанның Зәй шәһәрендә пенсионер хатынны үтергәннәр. «Татарстан24» телеканалы әлеге фаҗига турында хәбәр итте.

Тикшерү версиясе буенча, 63 яшьлек хатынны үз улы үтергән. Бу ир-ат әнисен башта кыйнаган, аннан соң буып үтергән.

Күршеләре сүзләре буенча, бу ир-ат әнисе белән тыныч кына яши. Ике атна элек улы командировкадан кайта. Фаҗига буласы көнне ул шактый гына салып ала. Әнисенә карата агрессия шуның белән бәйле булуы ихтимал, диелгән әлеге хәбәрдә.

44 яшьлек егет анасын вәхшиләрчә кыйный. Башына, күкрәкләренә аяклары белән тибә. Шуннан соң электр чыбыгы белән буа башлый. Бу тавышны ишетеп әлеге ир-ат белән бергә яшәүче хатын килеп чыга. Ул чыбыкны тартып ала. Ләкин җинаятьче барыбер башлаган эшен төгәлләгән — әнисен үтергән.