Юлия Началованың "Последний герой" тапшыруында катнашучылар арасында вафат булган җиденче кеше икәнен санап чыгарганнар

17 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: тапшырудан скриншот
"Комсомольская правда" Юлия Началованың "Последний герой" телевизион реалити-шоуында катнашучылар арасында вафат булган җиденче кеше икәнен санап чыгарган. Юлия Началова бу тапшыруының дүртенче сезонында катнашкан иде. "Комсомольская правда" моны сәер тенденция дип атый. 

"Последний герой" тапшыруы 2002 елда башланды. Аның асылы - геройлар ике командага бүленеп, кешесез утрауда яши башлый. Экватордагы - Филиппиндагы утрауда яшәү шартлары бик кырыс. 

Моннан тыш, утраудагы мораль атмосфера да киеренке. Кешеләр каршы команда белән генә түгел, бер-берсе белән дә ярыша һәм җиңү өчен иптәшләрен куып чыгарырга тиеш. Җиңәсе килгән кеше команда өчен иң күп эшләгән кешегә каршы булырга тиеш. 

Бу тапшыруның дуслык, ярдәмчелек кебек хисләрне бетерүгә корылган булуын күп тәнкыйтьләделәр. Аның шигаре дә "Остаться в живых" дип атала иде.

Юлия Началова, утраудагы шартларга чыдый алмыйча, үз теләге белән уенны ташлап чыгып киткән иде. Аның белән бер сезонда рэпер Децл, җырчы Жанна Фриске катнашты.


Тапшыруның идея авторы, ОРТ каналының балалар һәм күңел ачу тапшырулары редакциясе директоры, 38 яшьлек Сергей Супонев 2001 елда Идел өстендә кар машинасында йөргәндә яр буендагы корылмаларга бәрелеп һәлак булды.


Рэпер Децл - Кирилл Толмацкий 35 яшендә  2019 елның 3 февралендә кисәк вафат булды. 


40 яшьлек Жанна Фриске 2015 елның 15 июнендә ми рагыннан үлде. 


31 яшьлек режиссер, актер Сергей Бодров 2002 елда Кармадон тарлавыгында кар ташкыны астында калып һәлак булды. 


61 яшьлек режиссер Вера Глаголева 2017 елда ашказаны рагыннан үлде.

 

62 яшьлек Крис Кельми, яңа елны бәйрәм иткәннән соң, 2019 елның 1 гыйнварында йөрәге тотып вафат булды.

Началова кичә, 16 мартта Мәскәү хастаханәләренең берсендә вафат булды. Вафат булуның сәбәбе - подагра һәм шикәр диабеты авырулары нәтиҗәсендә килеп чыккан кан агулану. Җырчыга нибары 38 яшь иде. Ул 12 яшьлек кызы Вераны ялгызы тәрбияли иде.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла