Биш яшьлек бала тауларда адашып, бер ялгызы 20 чакрым узган

23 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Аргентинаның Сан-Хуан провинциясендә 5 яшьлек Бенхамин Санчес исемле бала югалган. Ул әти-әнисе белән йөргәндә аерылып калган. Баланы бер тәүлек буена эзләгәннәр. Шул арада сабый таулы районнар буйлап 20 километр юл узган. Эль-Саладо дигән җирдә кешеләр дә сирәк йөри икән. Бу турыда Clarin басмасына сылтама белән «Вести» каналы хәбәр итте.

Әти-әнисе сүзләренчә, малай башта алардан калыша башлаган, соңрак бөтенләй югалган. Әни кеше баласын эзли тотынган, тик таба алмаган.

Кичке якта баланы меңгә якын кеше эзләргә керешкән. Алар арасында коткаручылар да, полиция дә, волонтерлар да булган. Бенхамин Санчесны бер тәүлек эзләгәннәр. Баланы таудагы эзләре буенча барып тапканнар. 

Бәхеткә, бала исән һәм бер җире дә авыртмый. Биредә куркыныч хайваннар, үрмәкүчләр, пумалар, еланнар һәм чаяннар күп булса да, алар малайга зыян китермәгән.

Бер тәүлеккә якын бала кактуслар, куаклыклар арасында адашып йөргән, үзе генә төн кунган. Аның ашыйсы, эчәсе килгән, салкыннан туңган. Бу тирәләрдә температура +30 градустан нуль градуска кадәр төшә икән. Баланың өстендә киеме дә җиңелчә генә булган, баш киеме дә киелмәгән.

«Мин әнигә шалтыраттым. Ул җавап бирмәде. Еракта иде. Җирдә ятканда эчем авыртты», - дип сөйләгән бу бала.

Әнисе белән очрашкач, беренче сүз итеп «Нигә син мине эзләмәдең», дигән Бенхамин. Ул инештән су эчүен, үләннәр ашап каравын сөйләгән.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла