Өйгә пенсия китергән почта ташучыны хуҗа ир белән хатын чиратлашып буып үтергән

20 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: http://kuban.sledcom.ru

Кубань якларында почта ташучы хатынны вәхшиләрчә үтергәннәр. Ул пенсия өләшкәндә, бер йортка кергән. Йорт хуҗалары хатынны чиратлашып буган. Бу турыда РЕН ТВ каналы хәбәр итте.

37 яшьлек Евгения Жогина 4 гыйнварда югалган. Бу көнне ул Бузиновская станицасында яшәүчеләргә пенсия өләшергә, ике йортка квитанция кертергә җыена. Почта ташучыда 96 мең сум акча була.

Полиция хезмәткәрләре, волонтерлар югалган хатынны эзли башлаган. Аның фотоларын автобусларга ябыштырып чыкканнар. "Үтерү" маддәсе буенча җинаять эше ачылган. Югалган хатын керергә тиеш булган йортларны тикшергәннәр.

Авылдагы бер гаилә - 29 яшьлек хатын һәм аның 30 яшьлек ире  Евгения Жогинаны үтергән дигән шик туган. Тикшерү версиясе буенча, ир-ат хатынын җинаять эшләргә күндерә — алар почта ташучыны үтерергә, акчасын үзләштерергә карар кыла.

Краснодар өлкәсе буенча Тикшерү комитеты идарәсе мәгълүматы буенча,  почта ташучы хатын 4 гыйнварда  көндезге икеләр тирәсендә бу йортка пенсия китерә. Хуҗа хатын почта ташучыны өйгә алып керә. Бу вакытта урамда яңгыр була. Почта ташучы бүлмәгә узгач, хуҗабикә аның башына чүкеч белән суга. Хуҗа ир исә корбанның муенына җеп урый. Җинаятьчеләр Евгенияне, тәмам җан биргәнче, чиратлап буалар.

Үтерүчеләр мәетне үз машиналарына чыгарып сала. Өйләреннән ерак түгел генә урында урман полосасына алып барып яшерәләр. Мәетне җиргә күмеп, өстенә ботаклар салалар.

Ир белән хатынны үтерүдә гаеплиләр, алар сак астына алынган. Почта ташучы хатынның нәни улы ятим калган.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла