Яман шеш белән авыручы баланы әти-әнисе гөмбә һәм розмарин белән дәвалап маташкан

10 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
АКШта ир белән хатын яман шеш белән авыручы сабый баланы розмарин һәм гөмбәләр белән дәвалаган. Бу турыда The Washington Post басмасына сылтама белән "Вести" каналы хәбәр итте.

Өч яшьлек Ноа Макадамс исемле малайга "кискен лимфобластный лейкоз" диагнозы куялар. Бу авыру белән авыручыларның 90 проценты 2,5 ел дәвамында дәваланып терелә, диелә бу хәбәрдә.

Тик Ноаның әти-әнисе онкология турында белеп алгач, баланы хастаханәдән алып, качып китәләр. Аның әнисе Facebook челтәрендәге сәхифәсенә болай дип язып калдыра: "Без хастаханәдән качтык. Яман шеш күзәнәкләренең эзе дә калмады".

Шуннан соң әти белән әни баланы үзләре дәвалый башлый. Алар розмарин, гөмбә төнәтмәләре, абрикос төше, коллоид көмеш куллана. Имеш, бу чаралар химия терапиясеннән яхшырак.

"Без сәламәтрәк ысул тапмакчы идек. Ул бала бит, аңа аерым дәвалау кирәк. Стандарт протокол буенча гына дәвалау түгел", - дип аклана бу хатын.

Икенче химия терапиясе сеансы вакыты җиткәч, табиблар бу гаиләне эзли башлый. Полиция аларны Кентукки штатындагы Джорджтаун шәһәрендә таба һәм малайны әтисе белән әнисеннән аерып алалар. Хәзер бала хастаханәдә. Аның әти-әнисен вазифаларын башкармауда гаеплиләр. Хәзер аларны ата-ана хокукыннан мәхрүм итүләре ихтимал.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла