Владимир Путин матбугат конференциясендә телгә алынган авыру бала бүген төнлә вафат булган
Владимир Путин матбугат конференциясендә телгә алынган авыру бала бүген төнлә вафат булган
Хәтерлисезме, Владимир Путинның зур матбугат конференциясендә Иркутск өлкәсеннән бер журналист 3 яшьлек авыру баланы Төркия хастаханәсенә дәваланырга җибәрү турында сорады.
Бүген төнлә ул бала вафат булган, дип яза ТАСС.
Өч яшьлек Владислав Шестаковта дүртенче стадия онкологик авыру булган.
Иркутск өлкәсе сәламәтлек саклау министрлыгы Владимир Путинның матбугат конференциясеннән соң ярдәмгә мохтаҗ баланың авыруы көчле, ул терелерлек түгел дип хәбәр тараткан иде. Тормышының соңгы көннәрендә бала ясалма сулыш алдыру аппаратына тоташтырылган булган, аңа авыртуны баса торган бик көчле препаратлар кадаганнар, күп тапкырлар кан салганнар.
Иркутск өлкәсе губернаторы Сергей Левченко баланың әнисе Наталья Мамреганың кайгысын уртаклашуын белдергән. "Бу безнең өчен зур югалту, Владның якыннары һәм туганнары өчен зур кайгы. Котычкыч кайгы, безнең йөрәкләр сыкрый. Иркутск өлкәсендә яшәүчеләрнең һәммәсе сезнең белән бергә кайгыра", - дип телеграмма җибәргән губернатор.