“Васыять итеп калдырган”: Әнисе яман шештән вафат булган нәни малайны яңа гаиләгә тапшырдылар

6 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Кырым суды Симферополь шәһәрендә яшәүче нәни Витя Черемисны яңа гаиләгә тапшыру турында карар чыгарды. Витяның әнисе яман шеш белән авырган. Ул баласын яңа гаиләгә тәрбиягә тапшыруны васыять итеп калдырган. Бу турыда “Вести” каналы хәбәр итте. 

Үләр алдыннан бу хатын опека органнарына тиешле документларны әзерләп тапшырган. Ләкин түрәләр башкача хәл итеп куйган. Үз әнисе үлгәч, Витя ике ай дәвамында балалар йортында яшәгән. Шул вакытта Витяның язмышын билгеләү эшләре башланган. Ике айдан соң, 4 июньдә Витяны Валентина Тарасенко гаиләсенә биргәннәр.

Сүз уңаеннан, Валентинаның үзенең биш баласы, тәрбиягә алынган ике баласы бар. 

Яшь ярымлык Витяның сабыйлар йортыннан яңа әнисе Валентина белән чыгып киткән мизгел кадрларын “Вести” каналы күрсәтте.


“Яшь хатын, каты авырый, аның баласына коляска һәм кровать кирәк, улын балалар йортыннан алырга тели”, - дип искә ала Валентина Тарасенко – Витяның яңа әнисе.

Алар былтыр очрашалар. Валентина интернетта Алена Черемис хәбәрен күреп ала. Аленада онкологиянең өченче стадиясе була. Ул ярдәм сорап яза.

Валентина Аленаны үз өенә яшәргә чакыра. Бу өйдә Витя да йөреп китә. Быел апрельдә Алена вафат була. Үләр алдыннан ул Витяны Валентинага калдыруны сорап рәсми органнарга да яза. Валентина Тарасенко документларны рәсмиләштерергә маташып карый. Бу хатын нәни Витяны балалар йортына җибәрмәскә тырыша. Тик баланы алып китәләр һәм опекунлык рәсмиләштерүдән баш тарталар. Алар фикеренчә, Украинада Витяның бабасы яши һәм ул опека хокукына ия.

“Без бабайга электрон почта аша документлар тапшырдык. Аннан опекага ризалык сорадык. Ләкин, кызганычка каршы, җавап булмады”, - ди Симферополь шәһәре хакимиятенең балалар эшләре буенча департаменты җитәкчесе Светлана Щербакова.

Соңрак ачыкланганча, бабайга бала кирәк булмый. Валентина судка мөрәҗәгать итә һәм көн саен Витя янына балалар йортына килеп йөри.

Шушы көннәрдә суд утырышы булды. “Әлеге вакытта бала яңа гаиләгә китә. Тәрбиягә алган анасы моның өчен бик тырышты. Әлбәттә, бу вакыйгага нокта куелмый. Бу гаиләгә ярдәм итәргә кирәк. Малай травма алган. Якын арада бала хокуклары буенча вәкил бу гаиләгә барачак. Без элемтәдә торачакбыз”, - дип аңлаткан Россия Президенты каршындагы бала хокуклары буенча вәкаләтле вәкил Анна Кузнецова.

Валентина Тарасенко сөенечен яшерми, хисләре белән уртаклаша.

“Ул бит нәни йолдызчык. Виктор өйгә кайта. Күз алдына китерәсезме, иң мөһим кәгазь – “алып китәргә рөхсәт ителә” – ул бит бик кечкенә”, - ди Валентина.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла