Ун яшьлек малайны ике машина таптаган мизгел видеога эләккән
Ун яшьлек малайны ике машина таптаган мизгел видеога эләккән
Амур өлкәсендә ун яшьлек малайны берничә секунд эчендә чиратлап ике машина таптап киткән. Юл һәлакәтен видеокүзәтү камерасы төшереп торган. Әлеге кадрларны "Вести" каналы күрсәтте.
Видео кадрларыннан күренгәнчә, бала юлга юлга атылып чыга һәм узып баручы машина астына эләгә. Беренче машина бәргәч, ул берничә метрга очып барып төшә һәм шунда ук аны икенче машина да таптый.
Авария 11 майда Благовещенск шәһәрендә була. Малай юл аша чыгарга җыена. Ул машиналар туктаганны да көтмичә, трассага ташлана. Аны шунда ук караңгы төстәге җиңел машина бәрдерә. Бала асфальтка егыла һәм аны тагын бер машина - яндагы полосадан зур тизлектә килә торган Honda Fit машинасы таптый. Бу иномарканы йөртүче юлдагы җәяүлене абайлап алырга да өлгерми, диелгән бу хәбәрдә.
Бәхеткә, бала исән кала. Ул бик каты имгәнеп бетә. Аны хастаханәгә китерәләр.