Балага узган һәм игълан буенча саткан: Үз сабыйларын сатучы ананы тотканнар

9 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Сату өчен бала тудырган хатынны полиция хезмәткәрләре тоткарлаган. Кыргызстанда туган хатын бер яшьлек кызын һәм әле тумаган, корсактагы баласын игълан буенча сатмакчы булган.

«МК» сайты хәбәрчесе ачыклаганча, 23 яшьлек хатын беркайда да эшләми. Ул интернетта игълан урнаштырган. «Бер яшьлек кызны уллыкка алу өчен гаилә эзлим», дип язган.

«Альтернатива. Против рабства» хәрәкәте волонтерлары бу хатынга мөрәҗәгать итә. Алар баласыз гаилә булып кылана. Баласын сатарга теләгән хатын үзен Мөслимә дип таныштыра. Ул бик кызганыч тарихын да сөйләп бирә. Имеш, аның ике баласы — өч яшьлек улы һәм бер яшьлек кызы бар. Балаларның әтисе ташлап киткән. Мөслимә үзе исә башка ир белән гаилә кормакчы була. Бу ир Ерак Көнчыгышта яши икән. Аның янына ике бала ияртеп бару уңайсыз. Шуңа күрә Мөслимә нәни кызын сатмакчы була.

«Хатынга миллион сум акча кирәк. Ул кызын шул суммага сатарга җыена», — дип сөйләгән волонтерларның җитәкчесе Олег Мельников.

Берникадәр вакыттан соң хатын баласын сатудан баш тарта һәм Уфага китеп бара. Быел ел башында Мөслимә кабат башкалага килә һәм тагын баласы өчен сатып алучы эзли башлый. Хәзер бу хатын өченче баласын сатарга маташа. Бала әле тумаган, хатын йөкле. Ана бу баласын да миллион сумга сатарга ниятли.

Хатын баланы үз фамилиясе буенча табарга һәм шуннан соң баладан баш тарту турында гариза язарга җыена. Ул сабыеннан бала тудыру йорты янында ук котылмакчы була. Баланы сатып алырга теләге булган гаилә Мөслимә өчен фатир арендаларга һәм бала белән сабый өчен кирәкле әйберләр алырга тиеш була.

27 февральдә Мөслимә сау-сәламәт кыз бала таба. 5 мартта ул баласын саткан өчен акча алмакчы була. Мәскәүдә арендага алынган фатирда акча биргән мизгелдә хатынны полиция тоткарлый.

Шушы ук фатирда бала сатучы хатынның улы да була. Олы кызы бу вакытта Уфада калып торган.

Баласын сатарга маташкан хатынга карата җинаять эше ачылган. Аны «балигъ булмаган баланы сату» маддәсе буенча гаеплиләр.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла