Тула өлкәсендәге авылда җир убылып, биш катлы йорт тирәнлегендә чокыр барлыкка килгән - видео

14 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Тула өлкәсенең Дедилово авылында шәхси йорт бакчасында җир убылып, зур чокыр барлыкка килгән. Бәхеткә, бу вакытта хуҗалар өйдә булмаган. Бу турыда "Вести.Тула" телеканалы хәбәр итте.  

8 майда грунт ишелеп, берничә дистә метр тирәнлектәге чокыр ясалган. Хәзер бу урынны тасма белән уратып алганнар. Биредә әле күптән түгел генә бакча булган. "Чокыр бик тирән, аның янына якын килергә дә куркыныч", - дип сөйли канал хәбәрчесе. 

Бу якларда җир убылу булгалый икән. Узган гасырларда сарайлар, амбарлар да чокырга төшеп киткән. “Авыл халкы еллар буена вулканда яшәгән кебек”, дип сөйли хәбәрче. 

Дедиловода бакчаларда камышлар гына үсә. Авыл халкы җирләрен эшкәртми диярлек. Чөнки су аларның йортлары янына ук килеп җиткән. Бакчаларны су баскан инде.  

Авыл халкы җир убылуны шахталар аркасында килеп чыга дип исәпли. Авыл тирәсендә ташландык шахталар шактый икән. Скважиналарны ташлап киткәннәр һәм хәзер шул урыннарга җыелган су грунтны юып, туфрак ишелә. 


“Дедилово авылында биш катлы йорт тирәнлегендә һәм 30 метр даметрлы чокыр барлыкка килде. Җир убылган вакытта, авыл халкы сәер гөрелте дә ишеткән”, дип хәбәр итә “Слобода Тула”


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла