"Техник сәбәп": Яман шеш белән авыручы хатын нурлы терапия аппараты эчендә кысылып үлгән

24 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Воронеж шәһәрендә нурлы терапия аппарты ярдәмендә процедура уздырганда авыру хатын һәлак булган. Дәвалау вакытында аппарат ватылган һәм аның эчендә булган пациент хатын имгәнеп үлгән. 

Фаҗига 22 май иртәсендә була. Яман шеш белән авыручы хатынга нурлы терапия уздыралар. "Процедура вакытында аппаратның күтәртә торган җайланмасы ватыла. Техник сәбәпләр аркасында, прибор хатынны изгән", дип хәбәр итте “Интерфакс”

Россия сәламәтлек саклау министры Вероника Скворцова Росздравнадзор белгечләренә йөкләмә биргән. Алар пациентның ни сәбәпле үлгәнен ачыкларга тиеш. Фаҗига булган урында җиһазларга экспертиза ясыйлар. Бу турыда Росздравнадзор сайтында хәбәр ителә.

Башлангыч мәгълүматлар буенча, Воронеж онкодиспансерында дәваланучы хатын күкрәге һәм эче имгәнүдән үлгән. Ул нурлы терапия вакытында өстәл белән җиһаз арасына кысылып калган. Бу турыда “Вести” каналы хәбәр итте.

Воронеж буенча Сәламәтлек саклау департаменты матбугат хезмәте җитәкчесе Оксана Козлова вакыйга турында аңлатма биргән. "Җиһазда техник төзексезлек булган. Шул сәбәпле пациент хатын вафат", - дигән ул.

"Шулай да сәбәп һәм нәтиҗә бәйләнеше әлегә ачыкланмады", - дип өстәгән Козлова.

Воронеж өлкәсе прокуратурасы да бу вакыйга турында аңлатма биргән. "Teragam гамма-терапевтик аппаратында дистанцион нурлы терапия ясаганда пациент гәүдәсе өстәл һәм аппаратның коллиматоры арасында кысылып калган. Шул сәбәпле хатын имгәнгән", диелгән бу хәбәрдә.

2006 елда ясалган Чехия аппаратында күтәртү механизмы сафтан чыккан дип фаразлана.

Өлкә губернаторы Александр Гусев фаҗигане тикшерүне өлкә хакимияте рәисенең беренче урынбасары Владимир Поповка контрольдә тотарга йөкләгән. Владимир Попов махсус комиссияне җитәкләячәк.

Фаҗигане тикшерү өчен Россия Сәламәтлек саклау өлкәсендәге күзәтчелек экспертлары күчмә лаборатория белән Воронежга киткән.

Россия Тикшерү комитетының Воронеж өлкәсе буенча Тикшерү идарәсе "Һөнәри вазифаларны тиешле күләмдә башкармыйча, саксызлык аркасында үлем очрагы китереп чыгару" турында җинаять эше ачкан.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла