Таудан чаңгыда шуып төшкәндә 37 яшьлек ир кар астында күмелеп калып үлгән - видео

Мәскәүдән Эльбруска тау чаңгысында шуарга барган 37 яшьлек ир кар астында калып һәлак булган дип хәбәр итә "Интерфакс".

Бу ир Эльбрустагы "Мир" станциясенә килгән һәм станция территориясендә түгел, тыелган урында - чаңгыдан шуып төшкән. Ул үз үлеменә үзе сәбәпче булган дип фаразлана - таудан кар ишелүне ул үзе китереп чыгарган. Таудан ишелгән кар чаңгычыны "куып җитә" һәм ул кар астында калып үлә. 

ren.tv каналы һәлакәтнең видеосын урнаштырган.