Татарстандагы мәктәптә балалар бәрелешеп, берсенең сөяге сынган
Тәнәфес вакытында имгәнгән 13 яшьлек үсмерне "ашыгыч ярдәм" белән хастаханәгә алып киткәннәр.
Чаллының яңа шәһәрендәге мәктәптә тәнәфес вакытында гадәттән тыш хәл була. Бу турыда "Челнинские известия"сайты хәбәр итте.
Мәктәптә укучы 13 яшьлек малай тәнәфес вакытында имгәнә. Укучы баланы "ашыгыч ярдәм" белән хастаханәгә алып китәләр. Аның умрау сөяге (ключица) сынганы билгеле була.
13 яшьлек үсмер тәнәфес вакытында башка малай белән бәрелешеп, травма алганын сөйли.
Хәзерге вакытта баланың хәле ничек булуы турында хәбәр ителми.