Татарстанда салкында өч баласын калдырган атаны хөкем иттеләр
Моның өчен атаның хезмәт хакының ун процентын дәүләт хисабына тотып калачаклар.
Татарстанда өч нәни баласын кыш көнендә ягылмаган өйдә калдырган атаны хөкем иттеләр. Бу турыда Татарстан прокурорының өлкән ярдәмчесе Руслан Галиев хәбәр итте.
Быел февраль азагында 46 яшьлек ата өч баласын өйдә калдырып, Казанга чыгып киткән. Бу вакытта җылылыкны сүндергәннәр. Бу хәл килеп чыккач, олы баласы атасына шалтыраткан. Тик ата өенә кайтырга ашыкмаган.
Ир гаебен тулысынча таныган. Аны сигез айга төзәтү эшләренә хөкем иткәннәр. Шулай ук бу атаның хезмәт хакының ун процентын дәүләт хисабына тотып калачаклар, диелгән "Татар-информ"дагы хәбәрдә.