Ерак Көнчыгышта, Хабаровск өлкәсе белән Сахалин утравы арасындагы Татар бугазында ике хәрби самолет - Су-34 бәрелешкән, дип хәбәр итә Саклану министрлыгы.
Самолетларда сугыш комплектлары - ракета-бомбалар булмаган. Самолетның экипажы ике кешедән (очучы һәм штурман) тора. Алар хәрби өйрәнүләр үткәргән вакытта бәрелешкән. Бер очучы коткару системасы - катапульта ярдәмендә самолеттан сикерә алган. Коткару операциясе барышында аны коткарганнар.
Ике кешенең мәетен тапканнар. Тагын берсен эзлиләр.
Җинаять эше кузгатылган. Хәрби өйрәнүләр вакытында куркынычсызлык кагыйдәләрен бозуда гаеплеләр ачыклана.