Танылган җырчының кызын классташлары мәктәп бәдрәфенә алып кереп җәберләгәннәр
Танылган җырчының кызын классташлары мәктәп бәдрәфенә алып кереп җәберләгәннәр
Җырчы, модель Алена Кравецның 11 яшьлек кызы Даниэлланы мәктәптә классташ кызлары кыерсыткан. Бу хакта "Московский комсомолец" яз
8 класста укучы ике кыз Даниэлланы мәктәп бәдрәфенә төртеп алып кереп бикләгән һәм аны хурлый башлаган. Аннары берсе аның кулларыннан тотып тора, икенчесе чәчләрен кисә. "Бу - коточкыч. Кабәхәтләр аның ярты чәчен кисеп бетергән. Аның озын, матур чәчләре бар иде. Хәзер берни дә юк! Мин бөтенләй аңламыйм, ничек мәктәптә бу мөмкин!" - ди Алена.
Алена бу хәлне тикшерә башлаган һәм кызының инде күптән кимсетүле хәлдә яшәгәнен ачыклаган. Җырчы әйтүенчә, кечкенә классларны югары класста укучы кызлар җәберли, ә мәктәп бу хәлне туктату өчен берни дә эшләми икән.
Алена полициягә заявление язарга һәм гаеплеләргә җәза бирергә тели. "Мәктәптән генә җибәрәләр икән, ул балалар башка мәктәптә шуны ук эшләячәк. Аларны исәпкә алырга кирәк", - ди ул.
Алена Кравец күптән түгел генә ире белән аерылды. Ул ире - олигарх Руслан Кравецны даими рәвештә кыйнап торуда гаепләде. Аерылганнан соң ул шәһәр читендәге зур йортыннан китәргә мәҗбүр булды. Алена әйтүенчә, ире аңа кызы белән аралашуда да киртәләр куя.
Бу вакыйга булуын белгәннән соң Руслан Кравец кызын яклап бернәрсә дә эшләмәгән.