Түбән Камада чаңгы шуган Гөлшатны вәхшиләрчә үтерүдә шикләнелүче ир-ат тоткарланган

11 Января 2018

Түбән Кама районының Красный Ключ бистәсе янында үтерелгән 28 яшьлек Гөлшат Котенкованы үтерүдә шикләнелгән зат кулга алынган. Ул – көчләү өчен берничә тапкыр хөкем ителгән 37 яшьлек кеше. Бу хакта “Татар-информ”га Татарстан буенча эчке эшләр министрлыгы матбугат хезмәтеннән хәбәр иттеләр.

Ир-ат узган елның җәендә төрмәдән чыккан. 2009 елдан бирле ирегеннән мәхрүм булган. Ир-ат Гөлшатны көчләргә теләгән, әмма хатын каршылык күрсәткән. Көчләүче аның башына суккан, корбаны һаман каршы килгәч, ир аны үтерә.

Искәртеп үтик, 10 нчы гыйнварга каршы төндә, Түбән Кама районының Красный Ключ бистәсендә “Алмаш” өйрәнү-тренировка узу базасы территориясендә 28 яшьлек хатын-кызның үле гәүдәсе табыла.Башы һәм муены тирәсенә пычак белән 11 тапкыр кадаганнар.

Гөлшат ире һәм 6 айлык кызы белән базага чаңгы шуарга килгән. Сәгать көндезге 2 ләр тирәсендә (14.00) чаңгы шуарга чыгып китә. Әмма кичке 5 ләр тирәсендә (17.00) хатыны озак кайтмый торуына иренең эче поша башлый. Борчылып ул хокук саклау органнарына хәбәр сала. Барлыгы 200 ләп кеше эзли. Төнге 2 дә үле гәүдәсе табыла.





Гөлшатның якыннары белән интервьюны Интерттатта укырга мөмкин.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла