"Бергә төн кунганнар": Түбән Камада 14 яшьлек үсмер 11 яшьлек кызны көчләгән дип шикләнәләр

Май башында Түбән Кама шәһәрендә 11 яшьлек кыз бала югала. Ул өйдән чыгып китә һәм әйләнеп кайтмый. Волонтерлар баланы эзләү турында социаль челтәрләрдә хәбәр тарата. Бу эшкә шәһәр халкы кушыла.

"Бөтен халык үзен эзләп йөргәндә, кыз бала таныш малайның өендә төн куна. Нәкъ шул вакытта алар арасында интим мөнәсәбәт була. Әлеге хәл турында баланың ата-анасы полициягә мөрәҗәгать итә. Түбән Камада яшәүче 14 яшьлек үсмергә карата җинаять эше ачылган", дип хәбәр итә НТР каналы.