"Суның ни икәнен белмиләр": Бер хатын дүрт баласы яши торган фатирдан чүплек ясаган һәм ташландык ризык ашаткан

9 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Мәскәү өлкәсендәге Мытищи шәһәрендә 32 яшьлек Инесса исемле хатын фатирыннан чүплек ясаган. Ул шушы фатирда яшәүче дүрт баласына ташландык ризыклар ашаткан. Бу хатын балаларының озак еллар дәвамында антисанитария шартларында, дөньяга чыкмыйча яшәвен опека органнарыннан яшергән. Бу турыда "360" каналы хәбәр итте. 

Әлеге сәер фатирга бу йортта яшәүче күршеләре һәм консьержка игътибар итә. Алар хокук саклау органнарына хәбәр бирә. 

Урынга килгән полиция хезмәткәрләре коточкыч хәл күреп ала. Өч малай һәм бер кыз бала яши торган урын чүплеккә охшаган. Полиция килгәндә балалар шкафларга кача. Тәрәзә төбендә күгәргән ипи кисәкләре ята. Балалар сасып беткән була.  Фатирда әби кеше була. Балалар сүзләренчә, ашарга ул алып кайта.

Мәскәү өлкәсенең Мытищи шәһәре буенча опека хезмәте җитәкчесе Ольга Федосеева сүзләренчә, балалар чүплектән алып кайткан ризык ашый.  "Балалар бүлмәдә ут булмавын әйтә. Алар әбисе һәм әнисенең кухняда аракы эчеп, лимонад кабып куюын сөйлиләр. Әби фонарь тотып чүплеккә йөри һәм шуннан ашарга ташый. Әгәр берәр әйбер сасыган булса, аның озаклап пешерәләр", - дип сөйләгән Ольга Федосеева.

"Балалар сөйләгәнчә, алар беркайчан да юынмаган, суның ни икәнен дә белмиләр. Психологлар балалар бик начар хәлдә дип саный. Алар үсеш ягыннан да җитлекмәгән. Кече балага карап торышка өч яшь чамасы", - дип әйткән опека җитәкчесе.


Фатирда йоклый торган аерым урыннар юк, стенадагы обойлар ертылып беткән, йорт җиһазлары да җимерек. Балаларны олы апалары тәрбияләгән булуы ихтимал. Сабыйлар шкафта йоклаган. Фатирда бәдрәф тә эшләми.

Соңрак әни кешенең кайда булуын ачыклыйлар. Ул балаларын өйдә үзе табуын сөйли. Аңа әби ярдәм итә. Балаларын тартып алырлар дип куркып, хатын сабыйларны рәсми рәвештә теркәми. Опека органнары мәгълүматы буенча, туу турында таныклык сигез яшьлек олы кызга гына ясалган. Калган сабыйларның документлары да юк.

Балаларның кемнеке икәнен ачыклау өчен, ДНК-экспертиза билгеләнгән. Туганлыкны раслаганнан соң, сабыйларга документ бирәчәкләр. 

Хәзер балаларны опека органнары алып киткән. Аларның икесен вакытлыча бер гаилә алган. Анага карата җинаять эше ачылган. Аны балаларын тәрбияләү вазифаларын үтәмәүдә гаеплиләр.

Инессага балаларын кире бирүләре дә ихтимал. Бу турыда Мәскәү өлкәсе буенча бала хокуклары буенча вәкил Ксения Мишонова әйткән. "Балалар беркайчан да мәктәпкә йөрмәгән. Алар туклану продуктлары белән таныш түгел. Башта ипи белән су гына алалар иде. Бер табибка да күренмәгәннәр. Әгәр аналары тормыш рәвешен үзгәртсә, балаларның үзенеке икәнен исбатлый алса, гаилә яңадан бергә яши алачак", - дигән ул.

Балаларның анасы РЕН ТВ каналы хәбәрчесенә үз версиясен сөйләгән. Хатын сүзләренчә, шкафта киемнәр тора. "Бу - балаларның киеме", - дип аңлаткан ул. "Балаларым - шмоточник минем. Алар матур әйбер яраталар. Кызларга алсаң, малайларына да алырга кирәк", - дигән ул. 

Хатын сүзләренчә, өйдәге тәртипсезлекне исә полиция хезмәткәрләре оештырган. "Мин балаларым янына килгәч, алар үзләре сөйләде. Фатирга килгән апайлар шкафлардан әйберләрне тартып чыгардылар, киемнәр өстеннәнләр йөрде, аяк эзләре калды, дип әйттеләр", - дип сөйли Инесса.


Әлеге фатирдагы кадрларны "Вести" каналы да күрсәтте.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла