Сигез сәгать дәвам иткән янгыннан соң, 16 балалы гаилә йорт-җирсез калган

8 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Регина Гомәрова
Җитәкчеләр нормаль янгын часте төзү турында уйласын өчен, тагын ничә йорт янырга һәм күпме бәла-каза булырга тиеш соң? - дип уфтана авыл халкы. 

4 гыйнварда Башкортстанның Хәйбуллин районындагы Бүребай авылында янгын була. Бүрәнәдән төзелгән йорт һәм гаражга ут каба. Янгын сүндерүчеләр сигез сәгать буена ут белән көрәшә. Бу турыда «Башинформ» агентлыгы хәбәр итә.

Янгын аркасында, Тамара һәм Александр Потякиннар гаиләсе йорт-җирсез кала. Бу гаиләдә уналты бала тәрбияләнә. Балаларның уникесен гаиләгә тәрбиягә алганнар, дүртесе — үз балалары.

2017 елда бу гаилә бөтенроссия күләмендә узган «Всероссийская ассамблея замещающих семей» бәйгесендә иң яхшылар рәтендә билгеләнгән булган.

«Җитәкчеләр нормаль янгын часте төзү турында уйласын өчен, тагын ничә йорт янырга һәм күпме бәла-каза булырга тиеш соң? Бу бит инде беренче очрак кына түгел. Янгын сүндерүчеләр килеп җиткәндә коткарырлык әйбер дә калмый бит», — дип социаль челтәрләрдә район хакимиятен сүгәләр.

Рәсми булмаган мәгълүматлар буенча, зыян күрүче гаиләгә «Бурибаевский ГОК» ярдәм итәчәк. Балалар һәм аларның әти-әнисе әлегә шушы предприятие кунакханәсендә яшәп тора. Бүребай авылы халкы бәла килгән гаиләгә киемнәр һәм кирәк-яраклар җыя, диелгән әлеге хәбәрдә.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла