Салават шәһәрендә бер ир-ат үз анасын чүкеч белән кыйнап үтергән

6 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Башкортстанның Салават шәһәрендә 35 яшьлек ир-атка карата җинаять эше ачылган. Аны үз анасын кыйнап үтерүдә, энесен кыйнауда гаеплиләр. Бу турыда «Башинформ» агентлыгы хәбәр итте.

Россия Тикшерү комитетының Башкортстан буенча Тикшерү идарәсе мәгълүматы буенча, 27 мартта иртәнге якта 35 яшьлек ир-ат, аның 31 яшьлек энесе һәм анасы бергәләп үз өйләрендә аракы эчеп утыра. Табын корып утырганда, олы абыйсы туганнары белән талаша башлый. Аннары ул анасын һәм энесен кыйный тотына. Аларның башына, гәүдәсенә аягы белән, аннары кулына чүкеч алып суккалый. Энесе өйдән чыгып кача, ул урамда аңын югалтып егыла. Кече туганны хастаханәгә озаталар.

35 яшьлек ир-ат җинаять эзләрен яшерә, өйне җыештырып куя. Өйдәге әйберләрне һәм җинаять коралын ташлаганда, бу кеше исерек була. Исерек булган өчен, аны полиция хезмәткәрләре тоткарлый. Полиция бүлекчәсендә тентегән вакытта, бу кешедә кан таплары булган әйберләр табыла. Ир-ат энесен кыйнаганын сөйләп бирә. Әнисен кыйнаганы турында әйтми, бу хәлне яшерә.

Ир-атка административ җәза биреп, өч көн полициядә тоталар. Шуннан соң ул өенә кайта. Өйгә кайткач, бу кеше әнисенең үлгәнен күреп ала. Күршеләреннән ашыгыч ярдәм чакыруны сорый.

Шуннан соң 35 яшьлек ир-ат гаебен таный. Ул моңа кадәр наркотиклар саткан өчен хөкем ителгән булган. Аның белән тикшерү эшләрен башкарганнар, гаепләү белдергәннәр. Үз әнисен үтерүдә шикләнелүчене сак астына алганнар.

Аның энесе хәзерге вакытта хастаханәдә ята. Ул да моңа кадәр хөкем ителгән булган.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла