Сәүдә үзәгендә бер ир-ат балалы хатынга һөҗүм иткән - видео

Мәскәүнең "Щелково" сәүдә үзәгендә йөргән бер хатынга һәм аның баласы чит ир-ат һөҗүм иткән. Бу урыннан кадрларны РЕН ТВ каналы күрсәтте.

Шаһитлар төшереп алган видео кадрларыннан күренгәнчә, ир-ат башта чиратта тора. Шуннан соң ул кисәк кенә нервлана башлый. Башта якында торган балага ташлана. Моны күргән ана баласын якларга маташа. Котырынган ир-ат исә баланың анасын кыйный башлый.

"Сезнең миңа тавыш күтәрергә хакыгыз юк", - дип кычкыра баланың анасы һәм чыгып китә башлый.

Ир-ат исә хатын артыннан китә, аны куып җитә һәм бар көченә башына китереп суга.

Әлеге сугышка кибет сакчысы игътибар итә. Ул агрессив сатып алучыны туктата, диелгән бу хәбәрдә.