«Особенности национальной охоты» фильмында генерал ролен уйнаган актерның мәетен Монголиядә тапканнар

4 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Салават Камалетдинов

3 апрельдә Россиянең халык артисты Алексей Булдаков вафат булды. 68 яшьлек актер Монголиянең башкаласы Улан-Батор шәһәрендә үлгән.

«Алексей Иванович Булдаков вафат. Төгәлрәк мәгълүмат бирә алмыйбыз. Ул гастрольдә иде, аның тромбы өзелгән», — дип сөйләгән ТАСС агентлыгының Кинематографистлар союзының Кино актерлары гильдиясендәге чыганагы.

Алексей Булдаковның һәм аның гаиләсенең дустын Татьяна Руднева ТАСС агентлыгына мәрхүмнең ничек үлгәнен сөйләгән. Булдаков Улан-Батор шәһәренә бик якын дустының туган көнен уздырырга килгән булган. 68 яшьлек артист йоклаганда, төнге икеләр тирәсендә үлеп киткән. Башлангыч версия буенча, аның кан тамырларында тромб өзелгән.

Мәрхүм белән хушлашу 7 апрельдә Мәскәүдә була.

Алексей Булдаков 1951 елның 26 мартында Алтай өлкәсенең Макаровка авылында туган. Соңрак Казахстанның Павлодар шәһәренә күченгән. 1969 елда Антон Чехов исемендәге Павлодар драма театры каршындагы театраль студияне тәмамлаган.

1969 — 1981 елларда Павлодар, Томск, Караганда, Рязань театрларында уйнаган. 1993 елда Мәскәүгә күченгән. Горький исемендәге МХТда уйнаган. 1982 елдан башлап кинода төшә. «Семен Дежнев» (1983), «Вот моя деревня…» (1985), «Единожды солгав» (1987), «Хлеб — имя существительное» (1988), «Белые одежды» (1992) фильмнары буенча таныш. «Особенности национальной охоты» (1995) фильмында генерал Иволгин роле белән зур популярлык казанды.

Алексей Булдаков «Операция «С Новым годом!» (1996), «Особенности национальной рыбалки» (1997), «Особенности национальной охоты в зимний период» (2000), «Особенности национальной политики» (2003) фильмнарында төшкән.

«Ширли-мырли», «Участок», «Гитлер капут!», «Утомленные солнцем 2: Предстояние» фильмнарын да халык бик җылы кабул иткән. 

Лариса Долинаның «Погода в доме» клибы чыкканнан соң, Булдаковны чыннан да Долинаның ире дип уйлаучылар бик күп булган.

РЕН ТВ каналы Алексей Булдаковны Монголиягә турист буларак килгән, дип хәбәр итте.


  Без Инстаграмда

Фикерләр








Хәвеф-хәтәр

Озак еллар яман чир белән көрәшкән Гүзәл Әхмәтшина вафат

13 апрель көнне озак еллар яман авыру белән көрәшүче Гүзәл Әхмәтшинаның гомере өзелгән. Бу хакта ВКонтакте социаль челтәрендә мәрхүмнең апасы Альмира Сираҗетдинова хәбәр иткән. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла