Әниләре саунада ял иткәндә, ике сабый бала янгында һәлак булган

6 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: http://21.mchs.gov.ru

Чувашиянең Новочебоксарк шәһәрендә торак йортта янгын вакытында ике бала һәлак булган. Сабыйлар ишекне ачып, чыгып котыла алмаган. Алар бу вакытта фатирда үзләре генә булган. Россия Тикшерү комитетының Чувашия буенча Тикшерү идарәсе тикшерүчеләре сабыйларның анасы саксызлык аркасында балаларын үтергән дип шикләнә. Бу турыда «Вести» каналы хәбәр итте.

Фаҗига 3 апрельдә Речной бульвар урамындагы йортның беренче катында була. Янгын чыгар алдыннан берничә сәгать кала 38 яшьлек фатир хуҗасы спиртлы эчемлекләр салып утыра. Шуннан соң ул сөйгән егете белән саунага китеп бара. Хатынның дүрт яшьлек кызы һәм нәни улы бу вакытта фатирда үзләре генә кала. Малайга бер яшь сигез ай була. Хатын балаларын өйдә бикләп калдыра.

Чувашия буенча Тикшерү комитеты хәбәр иткәнчә, җинаятьтә шикләнелүче хатын исерек килеш өйдән чыгып китә. «Хатын 2014 һәм 2017 елда туган балаларын өйдә үзләрен генә калдыра. Ул ишекне тышкы яктан бикли һәм танышы белән саунага китеп бара. Саунада 2,5 сәгать дәвамында спиртлы эчемлекләр эчеп утыра. Бикле фатирда үзләре генә калган балалар янгын вакытында һәлак була. Алар ис тиюдән үлгән», диелгән әлеге хәбәрдә.

Хәзерге вакытта җинаятьтә шикләнелүче ананы сак астына алу турында сорау хәл ителә. 

Чувашия буенча Гадәттән тыш хәлләр министрлыгы хәбәр иткәнчә, бер катлы торак бинаның беренче катында янгын кичке сигез тирәсендә чыккан. Фатир хуҗасы, 38 яшьлек хатын өенә кайткач, төтен чыгуын күреп ала. «Ачыкланганча, хатын дустына кунакка киткән. Нәни кызы белән улын үзләрен генә калдырган. Өйгә кайтканда хатын исерек була. Төтен баскан фатирдан балаларны күрше ир-ат алып чыга. Кызганычка каршы, балаларны коткарып булмады», диелгән әлеге хәбәрдә. 

Коткаручылар урынга 12 минуттан соң килеп җиткән. Фатир эчендәге йорт җиһазлары, башка предметлар, бүлмәнең эче янып беткән. 

Беренчел версия буенча, бу янгын балалар ут белән уйнаганга килеп чыккан.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла