"Муендагы чылбыр эреп бетте": 30 яшьлек ир-ат яшен сукканнан соң исән калган

7 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Самара өлкәсендәге Тайдаково авылында яшәүче Николай исемле ир-атны яшен суккан. Ул исән калган. Бу турыда "Вся Сызрань" сайты хәбәр итте. 

Хәзер Николай Пенза хастаханәсенең реанимация бүлегендә ята. 30 ел табиб булып эшләгән кешеләр дә мондый очракны беренче тапкыр күрә. Үзенчәлекле пациентка карарга бөтен бүлекләрдән табиблар килгән инде.

Яшен суккан көнне Николай хезмәттәшләре белән М5 трассасында юл төзәткән. Яшенле яңгыр алдыннан алар автобуска кереп утырырга җыенган.

"Мин иң соңгы кеше булып кереп бара идем. Яңгыр юк иде әле. Болытлар куера башлады. Шуннан яктырып китте. Яшен минем башымның артына сукты, муенда чылбыр бар иде. Чылбыр да, анда эленгән хач та эреп беткән. Мин өстемнән эрегән киемнәрне кисеп алганнарын күреп калдым", - дип сөйли Николай.

Яшен суккач бу ир-ат аңын югалткан. Шуннан соң ул бары тик хастаханәдә генә аңына килгән.

"Кабул итү бүлегенә китергәч, ул аңына килде, хәлләр ничек булганын искә төшерергә маташты. Автобуска барышлый, аны яшен сугуы ихтимал", - ди хастаханәдә бүлек җитәкчесе Михаил Щербаков.

Николай соңрак бу турыда үзе дә сөйли. Аның әтисе ягыннан бер туганын яшен сугып үтергән булган инде. Николай мондый хәлләрдән соң кеше багучылык сәләтен ала, дип ишеткән икән. Тик әлегә ул үзендә яңа үзлекләр ачмаган. Яшен сукканчы шигырь белән мавыкмаган Николайның башына бик күп шигырь юллары килә башлаган.

Николай тизрәк өенә кайтып китәсе килә. Ул табиблардан үзен җибәрүләрен сорый. Тиздән аңа 30 яшь тула икән.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла