Җенес әгъзасын зурайту өчен операция ясатканда миллиардер җан биргән

8 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Илнар Төхбәтов
Бизнесмен бик кыска буйлы була һәм гомере буе шуңа борчылып яши.

65 яшьлек Эхуд Арье Ланиадо — Израиль миллиардеры. Ул Париждагы элиталы клиникада җенес әгъзасын зурайтмакчы булган. Операция вакытында Ланиадо җан биргән. Бу турыда «МК» сайты Mirror басмасына сылтама белән хәбәр итте.

Җенес әгъзасына дару матдәсе кертелүгә үк, йөрәк өянәге куба һәм миллиардер үлә. Бизнесменның үлеме хакында хәбәрне Laniado Omega Diamonds компаниясе дә раслады, диелгән әлеге хәбәрдә.

Ланиадо турында бер дусты сөйләгән. Эшмәкәр кыска буйлы була. Ул һәрвакыт тышкы кыяфәте өчен борчыла. «Бизнесмен үзенең буе турында бары тик акча санаганда гына оныта иде. Көненә берничә тапкыр хисапчы банктан алынган кәгазьне укый. Шул вакытта Ланиадо буе кыска булуын оныта», — дип сөйләгән дуслары.

Ланиадо Монакода иң кыйммәтле пентхаус хуҗасы була. Аның бәясе 30 миллион фунт стерлинг чамасы тора. Шулай ук аның Бель-Эйр шәһәре янында шәп йорты була. Биредә ул дуслары белән кыйммәтле шәраблар эчеп утырырга ярата. Ланиадоның танышлары сүзләренчә, ул  - эшкәртелмәгән алмаз ташлар буенча халыкара танылу алган белгеч.

2015 елда нәкъ менә Ланиадо дөньядагы иң кыйммәтле бриллиантны саткан. «Голубая Луна Жозефины» дип аталган асылташны Гонконг бизнесмены Джозеф Лау Луэн Ханг 48,4 млн долларга сатып алган.

14 мартта Ланиадо суд каршына басарга тиеш була. Аны салым түләүдән качкан өчен Бельгиядә хөкем итәргә җыенганнар.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла