Мәскәүдә чүп-чар белән тулган фатирда 7 яшьлек инвалид бала үлгән

18 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Мәскәүнең көньяк-көнчыгышындагы бер фатирда җиде яшьлек ир бала вафат булган. Ул аутизм белән авырган һәм балачактан инвалид булган. Әлеге факт буенча Россия Тикшерү комитеты җинаять эше ачкан. Бу турыда ТАСС агентлыгы хәбәр итте. 

Тикшерү версиясе буенча, 12 мартта иртәнге якта баланың әнисе ашыгыч ярдәм чакыра. Ул 7 яшьлек инвалид баласы авыруын хәбәр итә. Урынга килгән табиблар баланың үлемен раслый. Баланың йөрәге туктаган. Аны табиблар да коткара алмаган. Мәрхүмнең мәетендә көчләп үтерү билгеләре булмый.

ТАСС агентлыгының медицина хезмәтендәге чыганагы хәбәр иткәнчә, 7 яшьлек малайны әнисе дә, әбисе дә тәрбияләмәгән диярлек. Гаилә яши торган фатирда бик күп чүп-чар җыелган. Баланы урамга да сирәк кенә алып чыкканнар. 

Хокук саклау органнары баланың әнисен, әбисен, күршеләрен сораштырган. Малайның психоневрология диспансерында хисапта торуы билгеле. Аның атасы һәм анасы аерылышкан, баланың кем белән яшисен суд аша хәл иткән булганнар.

Әнисе сүзләренчә, бала махсус дәвалау курсы алган. Аны табиблар күзәтеп торган. Бу хатын авыру әнисен дә тәрбияләп торган, дип сөйләгән ТАСС агентлыгына Тикшерү комитеты вәкиле.

Тикшерү барышында баланың ничек дәваланганын, тәрбияләнгәнен ачыклаячаклар. Баланың ата-анасын, туганнарын, медицина хезмәткәрләрен, опека органы вәкилләрен сораштырачаклар.



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла