Кукмара районында 21 яшьлек егет әбисен вәхшиләрчә үтергән, абыйсына, күршеләренә пычак белән ташланган дип шикләнәләр

25 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Татарстанда 21 яшьлек егет 89 яшьлек әбисен вәхшиләрчә үтергән, абыйсына һәм күршеләренә һөҗүм иткән дип шикләнәләр. Бу турыда «Татар-информ» агентлыгына Россия Тикшерү комитетының Татарстан буенча идарәсенең матбугат хезмәте хәбәр итте.

«23 мартта Кукмара районының Олыяз авылындагы йортларның берсендә 89 яшьлек хатын мәете табыла. Аның күкрәк читлегенә күп тапкыр пычак белән кадаганнар, Җинаятьтә шикләнеп әбинең 21 яшьлек оныгы тоткарланды. Ул сорауларга җавап бирүдән баш тартты», — диелгән бу хәбәрдә.

Җинаятьтә шикләнелүче егетнең 23 яшьлек абыйсы сүзләренчә, үтерү булган көнне кичке якта энесе аңа пычак белән ташланган, янап кычкырган. Бу ир-ат өйдән чыгып качып өлгергән. Ул ярдәм сораган, полиция чакырган. Шушы вакытта 21 яшьлек егет өйдә әбисен үтергән булуы ихтимал. Шуннан соң ул күршедә яшәүче ир белән хатын янына кергән. Аларга ташланган, күрше ирен пычак белән яралаган. Каршылык күрсәткәч, җинаятьче үз өенә киткән һәм аны полиция хезмәткәрләре тоткарлаган.

«Үтерү» маддәсе буенча җинаять эше ачылган. Тоткарланган ир-атка карата судмедэкспертиза һәм сак астына алу турында сорау хәл ителә.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла