Клиентларының тырнакларын тартып алып җәрәхәтләгән маникюр ясаучы хатынны кулга алганнар

6 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: khabkray.sledcom.ru
Хабаровск өлкәсендә маникюр ясаучы хатынны Мәскәү өлкәсендә кулга алганнар. Ул клиентларының тырнакларын тартып алган. Хәзер бу хатынга карата җинаять эше ачылган. Аны тормыш һәм сәламәтлек иминлеге таләпләренә җавап бирми торган хезмәт күрсәтүдә һәм мошенниклыкта гаеплиләр. Бу турыда "Российская газета" хәбәр итте.

49 яшьлек хатын төбәк буйлап семинарлар уздырып йөргән. Ул сынган, бозылган тырнакларны төзәтү ысулларын "өйрәткән". 

"Аның медицина буенча белеме, сертификатлары һәм лицензияләре булмаган. Кулланучыларның тормышы һәм сәламәтлеге иминлеге таләпләренә җавап бирми торган медицина хезмәтләре күрсәткән. Клиентларының тырнакларын кырыендагы тиресе белән бергә алган", - дип хәбәр иткән Россия Тикшерү комитетының төбәк буенча идарәсе.

Җинаятьтә шикләнелүче хатынны Мәскәү өлкәсендә кулга алганнар һәм Хабаровск шәһәренә озатканнар. Аның өендә тентү уздырганнар, тикшерү өчен кирәкле әйберләрне алганнар.

Хәзер хокук саклаучылар зыян күргән клиентларның санын ачыклый, аларга ни дәрәҗәдә зыян килгәнен билгели.

Манкюр белән шөгыльләнүче бу хатын моңа кадәр "алдан уйлап үтерү һәм мошенниклык өчен" төрмәдә утырып чыккан булган инде. Хәзерге вакытта ул тикшерү изоляторында утыра.



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла