Хәйруллиннар, банктан акча урлагач, елга буенда палаткада яшәгән

14 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Башкортстанның Салават шәһәрендәге банктан акча урлаган Хәйруллиннар гаиләсе Казанга килгәнче елга ярында палаткада яшәгән. Бу хакта "Московский комсомолец"ка эшмәкәр Азамат Галин сөйләгән. Азамат Луизага адвокат яллаган кеше буларак билгеле. 

Акчаны урлагач, алар Салават шәһәре янында, елга буенда яшәгәннәр. Ашарга беткәч, шәһәргә кайтканнар һәм машиналарын Луизаның әтисендә калдырганнар. Аннары, бүленеп, икешәрләп Казанга киткәннәр - Луиза бер кызы, Марат икенче кызы белән. Казанда фатирларны бер-ике көнгә генә арендага алып, күченеп йөргәннәр, документларын хуҗаларга күрсәтмәгәннәр. 

Марат әлегә кадәр үзен ничек тотканнарын белми. Ул телефоннарны кушмадык, беркемгә дә шалтыратмадык дип әйткән. Биржада уйнавын дәвам иткән һәм ФСБ аны шуның аша тоткан дип уйлый.

Марат Хәйруллин акчаны комарлы уеннарда - спорт тотализаторларында оттырып бетергәнен әйткән иде. Азамат аңа акчаны кайтарырга кушкан, әмма Марат: "Акча юк", дигән. 

Билгеле булганча, Марат акчаны 1,5 ел дәвамында акчаны аз-азлап алып чыкканын сөйләгән иде. Азамат Галин моңа ышанмавын әйткән. Моңа Малахов ток-шоуында катнашучылар да ышанмавын әйтте. 

Луизаның әтисе Рамил Мулләхмәтов исә журналистларның борчуына зарлана. Аның әйтүенчә, Хәйруллиннар качкан көннән - 27 майдан бирле ул кызын күрмәгән булган. Ә Марат белән 1 гыйнварда талашкан булган, шуннан бирле әлегә кадәр аралашмаган. 

Кулга алынганнан соң әти кеше кызын бер генә тапкыр күргән. "Мин аны ишек ярыгы аша гына күрдем. Сорау алган вакытта ишек ачык иде. Миңа бер минут вакыт бирәбез диделәр, аннары алып та киттеләр. Луизага бернәрсә алырга да рөхсәт итмәделәр. Ул трусикчан гына, оекбашлары да юк, яланаякка кроссовка кигән, алышыр киеме юк, салкын изоляторга яптылар", - дип зарланган ул. Әмма бу проблема актуаль түгел икән инде - бу интервьюдан соң Луизага передача тапшырганнар.

Марат Хәйруллинны Уфа аэропортында кулга алдылар. Кулга алу кадрлары:


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла