Казанда берәүдән миллион сум акча таләп итеп, аның ишегалдына бозау башы ташлап киткәннәр

11 май 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: tatarstan24.tv
Юристтан акча талаучы кешеләрне тоткарлаганнар.

Ике ир-ат адвокатлар конторасы җитәкчесе кушуы буенча, юристтан акча таләп иткәннәр, дип фаразлый тикшерүчеләр.

Җинаятьчеләрне апрель азагында тоткарлаганнар. Алар арасында Казандагы криминаль төркемдә торган кеше бар. Икесе дә моңа кадәр хөкем ителгән булган.

Адвокат конторасы җитәкчесе белән юрист арасындагы җәнҗал гражданнар шикаяте эше буенча килеп чыккан.

Берничә ай элек юристны алдан ук җиңеләсе билгеле булган эш буенча җәлеп иткәннәр. Клиент 600 мең акча түләгән. Ә суд карары клиент файдасына булмаган. Шуннан соң адвокатлардан акчаны кире кайтаруны таләп иткәннәр. Юрист үз гонорарын — 150 мең сумны гына кире кайтара алган. Калган акчаны контора җитәкчесе алды дип әйткән.

Җитәкче исә акчаны кире кайтарудан баш тарткан. Ул юристтан 1 миллион сум таләп итә башлаган. Юристны куркыту өчен үзенең ике иптәшен ярдәмгә чакырган. Болар юристка һәм аның гаиләсенә янаган. Телефоннан шалтыратып куркытканнар. Куркыту чарасы итеп, ишегалдына бозау башы ташлап киткәннәр. Бу турыда Эчке эшләр министрлыгы матбугат хезмәтенә сылтама белән «Татарстан24» телеканалы хәбәр итте.

Җинаятьтә шикләнелүчеләрне акча тапшырганда тоткарлаганнар. Контора җитәкчесенә һәм аның иптәшләренә карата акча таләп итүдә гаепләп җинаять эше ачылган.

Полиция хезмәткәрләре, бу кешеләрдән зыян күрүчеләр булса, 2913-910 телефонына шалтыратырга сорыйлар.

Бу вакыйга турында "Перехват" тапшыруында сөйләделәр. Җинаятьчеләрне тоткарлау мизгеле кадрларын видеоның 2.40 минутыннан башлап карый аласыз:


Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла