Казан-Оренбург-Акбүләк трассасындагы авариядә дүрт кеше һәлак, биш кеше имгәнгән

16 июльдә Казан-Оренбург-Акбүләк трассасында Казахстан чигендә коточкыч һәлакат булган. Бу турыда "Известия" газетасына сылтама белән "Татар-информ" агентлыгы хәбәр итте.

Башлангыч мәгълүматлар буенча, "Форд Фокус" җиңел машинасын йөртүче каршы як полосага чыгып, "Митсубиси" машинасы белән бәрелешкән. Шуннан соң, "Форд" юл кырыена төшеп киткән. 

"Дүрт кеше урында һәлак булган, тагын биш кеше имгәнгән", диелгән әлеге хәбәрдә.