Көнче хатын иренә үч итеп, баласын ваннада батырып үтергән

19 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Бөек Британиядә яшәүче хатын ире хыянәт итә дип шикләнгән. Шуннан соң ул, иренә үч итеп, өч яшьлек кызын суда батырып үтергән. Бу турыда Mirror басмасына сылтама белән РЕН ТВ каналы хәбәр итте. 

Җинаять 2017 елның 7 сентябрендә булган. 36 яшьлек Клэр Коулборн исемле хатынга карата хөкем карарын быел чыгарганнар. Аны гомерлеккә ирегеннән мәхрүм иткәннәр. Бу хатын киләсе 18 елда вакытыннан алда иреккә чыгу (УДО) турында гариза бирә алмаячак.

Клэр бик озак вакыт дәвамында Майкл исемле иреннән көнләшеп яшәгән, хыянәт итә дип шикләнгән. Майкл үзенең хезмәттәше белән сөяркә булып йөри дип уйлаган. Хатын үч алу планын бик җентекләп төзегән. Моңа кадәр биология укытучысы булып эшләгән Клэр берничә атна дәвамында кешене батырып үтерү ысулларын өйрәнгән.

Фаҗига буласы көнне Клэр өч яшьлек Бэт исемле кызын йокысыннан уятып, юынырга чакырган. Нәни кыз ваннага керәсе килмәвен әйткән. «Кызганычка каршы, кызым миңа тулысынча ышана иде», — дип сөйләгән Клэр судта.

Баласын үтерүче ана фаҗига турында үзе сөйләгән. Батыра башлагач, ана кызын бик яратуын әйткән. «Кызым тормышы өчен көрәшмәде», — дигән ул. Баласын үтергәннән соң, Клэр үз-үзенә кул салырга җыена. Ләкин «исән калырга мәҗбүр була».

Соңрак ачыкланганча, көнче хатын гел хыянәт турында уйлап йөри. Ул ире хыянәт итүенә тулысынча ышана. Бу хатын иренең хезмәттәшләренә электрон почта аша хатлар яза. Шул ук вакытта ире дә аның артыннан тикшереп тора дип исәпли. 

Клэр аерылышу өчен гариза да бирә. Баланы үтерергә бер ай алдарак ир белән хатын аерылыша. Әтисе кызы белән атнага бер тапкыр очрашып йөри. Ир сүзләренчә, соңгы очрашуда кызы аның муенына сарыла, әтисен күрүгә бик сөенә. Шуннан соң берничә көннәр нәни Бэтның үлеме турында билгеле була.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла