"Исерек бала": Полиция хезмәткәре машинасы бәрдергәннән соң үлгән 6 яшьлек малай канында алкоголь табылган

16 октябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
2019 елның июлендә Киров өлкәсендә юл һәлакәтендә алты яшьлек малай үлә. Ул велосипедка утырып юлга чыга һәм шунда баланы машина бәреп китә. Тикшерүчеләр ачыклаганча, баланы бәрдергән машина белән полиция хезмәткәре идарә иткән. Россия Тикшерү комитеты Александр Бастрыкин бу эшне үзәк аппаратка контрольгә алырга кушты. Бу турыда "Вести" каналы хәбәр итте.

Киров өлкәсендәге Newsler сайты хәбәр иткәнчә, мәрхүм баланың канында алкоголь табыла. Баланың ата-анасы судмедэкспертиза нәтиҗәләрен алгач, шундый белешмә күрә һәм бу турыда Киров басмасына сөйлиләр. Машина йөртүче исә аек була. 


Мәрхүм баланың ата-анасы малайның канында алкоголь булуына ышана алмый. Канда 0,51 промилле микъдарда этанол каян килеп чыкканын аңламыйлар. 

Тикшерү комитеты хәбәр иткәнчә, баланың туганнары экспертиза нәтиҗәләренә шикләнеп карый. Малайның ата-анасы объектив һәм төрле яклы тикшерү таләп итә. Алар гаепле кеше җаваплылыктан качар дип курка. 

Моңа охшаш вакыйга 2017 елда Балашиха шәһәрендә булды. Биредә бер хатын 6 яшьлек малайны бәрдерә. Мәрхүм баланың канында 2,7 промилле алкоголь табыла. Кабат экспертиза да шундый ук нәтиҗә күрсәтә. Берничә айдан соң бу экспертиза белешмәсен суд кире кага. Кан тиешенчә алынмаган, аңа пычрак кергән һәм кан әчеп, спирт бүленеп чыккан, диелә хәбәрдә.

Балашихада авариядә һәлак булган баланың аек булуы расланды. Экспертның эшенә битараф каравы исбатланды. Бала канында алкоголь тапкан эскпертны да, баланы бәрдергән хатынны да хөкем иттеләр. 
 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла